கேரளத்து ஆபரணங்கள் :-)

வளையல்கள்
கை சங்கிலிகள்
கழுத்து சங்கிலிகள்
தோடுகள்
வளையங்கள் என

அனைத்து ஆபரணங்களையும் தங்கத்தில் செய்து அதைப்போட்டுக்கொண்டு ஊர்கோலம் வரும் எம் தமிழகத்து சகோதரிகளுக்கு, தங்கம் அணியும் தங்கமணிகளுக்கு இனி மாறிக்கொள்ளுங்கள்!

தங்கத்திலான ஆபரணங்களை தேங்காய் நார் கயிற்றில் திரித்து கலை நயத்துடன் வழங்க எம் கடவுளின் தேசத்து தேவதைகள் தயாராகிவிட்டார்கள் (படிக்கிற தமிழ்நாட்டு தங்கமணிகளின் ரங்கமணிகள் சந்தோஷத்தில் துள்ளி குதிப்பாங்கல்ல!)

ஜெர்மனியிலிருந்து வந்திருந்து கிட்டதட்ட 10 நாட்களுக்கும் மேலாக தங்கியிருந்து தம் ஆபரண வடிவமைப்பு - கயிற்றில் உருவாக்கும் கலையினை - கடவுளின் தேசத்து கன்னியர்களுக்கு, ஒரு இனிய புதிய தொழில்நுட்பத்தினை வித விதமாய்....! 40க்கும் மேற்பட்ட ஆபரணங்களின் வடிவமைப்பினை கற்று தந்து சென்றிருக்கிறார் திருமதி வெரீனா

கேரளா காயர் போர்டின் இந்த புதுமையான அதே சமயத்தில் அதிக செலவுகள் இல்லாத ஆபரணங்கள் உற்பத்திக்கான முயற்சிகளுக்கு சிறப்பு நிதியினை ஒதுக்கி பல சுயதொழில் ஆர்வலர்களுக்கும் வாய்ப்பளிக்க முடிவு செய்து இப்பயிற்சி முகாமினை வெற்றிகரமாக நடத்தியுள்ளது!

ஆனாலும் உள்ளத்தின் ஒரு ஒரத்தில் ஒரு சிறிய சந்தேகம் இருக்கிறது!

இதெல்லாம் நம்ம ஊர்களுக்கு சரியாக வருமா என்று?