ஓரங்க நாடகம்/ஸ்டேஜ் ஷோ

பள்ளிக்கூட ஆண்டுவிழாக்கள் கல்லூரி வருட இறுதி கொண்டாட்டங்களில் ஆட்டம் பாட்டம் கொண்டாட்டங்களில் அதிகம் ஆர்வம் செலுத்தும் மாணவர்களில் ஒரு சிலர் மட்டுமே மிக அரிதாக இந்த ஓரங்க நாடகம் கான்செப்ட் எடுத்துக்கொண்டு கலக்குறத்துக்கு முயற்சி செய்வாங்க! பள்ளிக்கூட லெவலில் பாரதி காந்தி வ.உ.சி போன்ற வேடங்களை கொண்டு நாடகம் நடத்த கொஞ்சமாக முயற்சிக்கும் ஆசிரியர்களும் உண்டு! ஆனால் பெரும்பாலும் சினிமா பாடல்களுக்கே முன்னுரிமை! (அப்பத்தான் பசங்களும் நல்லா இண்ட்ரஸ்டா ஆடுவாங்க சார்!)

சரி அந்த விசயமெல்லாம் வேண்டாம் நாடகம் பத்தி பேசுவோம் நானெல்லாம் ஸ்கூல்ல படிச்ச காலத்துல ஆண்டுவிழாவிற்கு ஒரு மாதம் முன்பே அருமையான சப்ஜெக்ட் எடுத்து வைச்சு யார் யாரு என்ன என்ன கேரக்டருன்னெல்லாம் பிரிச்சு கொடுத்துட்டு முடிஞ்சா ரிகர்சல் பாக்கலாம்ன்னு முடிவு பண்ணினதோட சரி ரொம்ப சீக்கிரத்துலயே செலக்‌ஷன் கமிட்டிகூடி நீங்க என்னா செய்யப்போறீங்கன்னு கேக்கப்போற நாளும் வந்து அன்னிக்குன்னு பார்த்து டைரக்டரா இருக்கறேன்னு சொன்ன பய வராததால என்/எங்களோட ஓரங்க நாடக கனவு கம்பெனி இழுத்து மூடப்பட்டது! ( ஒரு நல்ல கலைஞனை இந்த சமூகம் இழந்துருச்சு! - அட நான் இல்லைங்க நாங்க போட்ட ப்ளான் படி நடிக்க இருந்த ஹீரோ! நிறைய மேனரிசமெல்லாம் ப்ராக்டிஸ் பண்ணிக்கிட்டிருப்பான்!)

பிறகு பாலிடெக்னிக்ல சுத்திக்கிட்டிருக்கும்போது மீண்டும் ஒரு ஆசை வந்துச்சு ஆனா செலக்‌ஷன் பண்ணப்போற வாத்தி எங்க குரூப்பு மேல செம கடுப்புல இருந்ததால நாங்களே வேண்டாம் பொழச்சுப்போங்கன்னு விட்டுட்டோம். ஆனா அந்த டைம்ல எங்க ப்ரெண்ட்ஸ் குரூப்பு செஞ்ச நாடகம் செம க்ளாப்ஸ் வாங்கினுச்சு! - கான்செப்ட் ரொம்ப சிம்பிள் ஒரு பல்வலிக்காக வர்ற பேஷண்டை, டாக்டருக்கு படிச்சதா சொல்லிக்கிட்டு திரியற தாயம்மா டைப்பு டாக்டரு டிரீட்மெண்ட் கொடுக்கறதுதான் - வசனங்கள் ஏதுமின்றி ஒன்லி ஆக்‌ஷன்! ஸ்டூடன்ஸ் லெக்சரர் பிரின்ஸ்பால் இப்படி எல்லாருக்கும் அடக்க முடியாத சிரிப்பு நடிச்சவனுங்களுக்கெல்லாம் ஸ்பெஷல் வாழ்த்துக்கள் அவுனுங்க ஃபிகருங்ககிட்டேர்ந்துல்லாம் வந்துச்சுன்னா பார்த்துக்கோங்களேன்!!

ஓரங்க நாடகங்கள் இப்போதைய காலகட்டத்தில் ரொம்ப குறைஞ்சுடுச்சுன்னு பொதுவாக பார்க்கும்போதே தெரியுது. துணுக்கு தோரணங்களாக வர்ணிக்கப்பட்ட நகைச்சுவை நாடக அரங்கேற்றங்கள் ஆடியோ கேசட் ரீலிசுகள் சுத்தமா நின்னுப்போச்சு அல்லது அது பற்றிய செய்திகள் காணக்கிடைப்பதில்லை! இதெல்லாம் விரும்பாத அளவுக்கு மக்கள் சந்தோஷமாக இருக்காங்களோன்னு நினைச்சா சந்தோஷமாத்தான் இருக்கு!

டிவிக்களில் முழு நேரமும் தொடர்களும்,திரும்ப திரும்ப ஒளிபரப்பாகும் ஒரே நகைச்சுவை காட்சிகளும் மக்களை கட்டிப்போட்டுவைத்திருக்கிற உண்மையினை நாடகம் நடத்துறவங்க நல்லா புரிஞ்சுக்கிட்டு கம்முன்னு இருக்காங்க போல...!

பதிவுலகத்தில கூட அவ்வப்போது நாடக டைப்புல பதிவுகள் வந்துக்கிட்டிருக்கும் இப்பவெல்லாம் சுத்தமா நின்னுப்போச்சு! டெரர் காமிக்கிற பதிவுகள் தான் எழுதறவங்களும் படிக்கறவங்களும் அதிகம் விரும்ப ஆரம்பிச்சுட்டாங்க போல..!

தேவைப்படும் போது தேவைப்படற விசயம் கிடைக்காம போச்சுன்னா அக்கம்பக்கத்துலேர்ந்து வாங்கிகிடலாமாம் - காபி தூள் சக்கரைக்கு பக்கத்து வூட்டுல போய் கடன் கேட்டு வாங்கியாச்சும் ஃபில்டர் காபி குடிக்கிற மாதிரி - இப்ப ஸ்டேஜ் ஷோவுக்கு சாம்பிள் எதாச்சும் காமிக்கலாம்னு தேடி அலைஞ்சா ஒண்ணுமே சரியா சிக்கல சரின்னு எண்ட தேசம் பக்கம் போயி புடிச்சுட்டு வந்துட்டேன்!

பைஜு {Byju} காமெடி - பயபுள்ள டாப் லெவல்ல இருக்கிற மிமிக்ரி ஆர்ட்டிஸ்டாம் தண்ணிப்போட்ட மாதிரி நடிக்கிறதுல கில்லாடியாம்! அதுமாதிரியான கேரக்டர்தான் நல்லா பேரு வாங்கி கொடுத்து இப்ப உலகம் பூரா சுத்தி சுத்தி ஷோ போட்டுக்கிட்டிருக்காராமாம்!

தீபாவளி

தீபாவளி பற்றிய என் கேள்விகளுக்கு பதிலளியுங்களேன் என்று நானானி அம்மா கூப்பிட்டிருந்தாங்க உடனே டக்குன்னு ஒடியாந்தாச்சு!

1) உங்க‌ளைப் ப‌ற்றி சிறு குறிப்பு ?

சிறு குறிப்பு வரைக அப்படின்னு கொஸ்டீன் பேப்பர்ல பார்த்தாலே ஆஹா சிக்கிடுச்சுடா நம்ம கொஸ்டீனு ஆரம்பிச்சிடவேண்டியதுதான் அப்படின்னு பக்கம் பக்கமா பரீட்சை எழுதின காலம் சொய்ங்ங்ங்ங்ங்ங்ங்ன்னு வந்து உக்கார்ந்துச்சு! (அதுவும் வரலாறு பரீட்சைன்னா அட்டகாசம் தான்!) என்னைப்பத்தி சிறுகுறிப்பா சொல்லணும்னா மயிலாடுதுறையில் வளர்ந்துகொண்டே படித்துக்கொண்டே ஊர் சுற்றிக்கொண்டே இருந்துவிட்டு, ஒருவழியா தோஹா வந்து சேர்ந்து சரியா 2 1/2 வருடம் முடிஞ்சுப்போச்சு! இணையம்,நட்புக்கள் & உறவுகள் தொடர்பில் போய்க்கிட்டிருக்கு வாழ்க்கை

2) தீபாவ‌ளி என்ற‌வுட‌ன் உங்கள் நினைவிற்கு வ‌ரும் (ம‌ற‌க்க‌ முடியாத‌) ஒரு ச‌ம்ப‌வ‌ம் ?

வீட்ல எல்லாரும் ஒண்ணா சேர்ந்திருந்த தருணங்கள் தான் ஞாபகத்துக்கு வருது ! இப்ப குடும்பத்துல உறுப்பினர்களின் எண்ணிக்கை அதிகமாகிவிட்டபொழுதில் ஒன்றாய் இணைந்து கொண்டாட விருப்பமாய் இருக்கிறது பணிச்சூழல் தடுக்கிறது!

3) 2009 தீபாவ‌ளிக்கு எந்த‌ ஊரில் இருக்கிறீர்க‌ள்/இருந்தீர்க‌ள் ?

தோஹா - கத்தாரில் இருக்கிறேன்!

4) த‌ற்போது இருக்கும் ஊரில் கொண்டாடும் தீபாவ‌ளி ப‌ற்றி ஒருசில‌ வ‌ரிக‌ள் ?

என்ன பெருசா இந்த நாட்ல/ஊர்ல போய் தீபாவளி கொண்டாடிடமுடியும்! சொல்லத்தான் முற்படுகிறேன் ஆனாலும் இங்கும் கூட தீபாவளியினையும் சந்தோஷத்தருணங்களையும் எப்பாடியாவது ஏற்படுத்திக்கொண்டு மகிழ்ந்து போகும் மற்றவர்களை பார்க்கும்போது தயக்கம் ஏற்படுகிறது.! உறவுகளை பிரிந்து வந்திருந்தாலும் கூட இருக்கும் இடத்திலும் விழாக்காலத்தின் இனிய தருணங்களை உருவாக்கிக்கொள்ளமுடியும் என்ற நம்பிக்கையினை ஊட்டுகிறார்கள் இங்கு தீபாவளி கொண்டாடும் நட்புகள்!

5) புத்தாடை எங்கு வாங்கினீர்கள் ? அல்லது தைத்தீர்க‌ளா ?
எப்பொழுதும் வாங்கி தைப்பதுதான் பழக்கம்! அதுவும் சிறுவயதில் ஒரு மாதத்திற்கு முன்பே டைலர் வீட்டிற்கு வந்து அளவெடுத்து சென்று விட்டு திரும்ப தைத்த துணிகளை கொண்டு வந்து தரும்போது - அதன் வாசம் பிடித்தப்படியே - வாங்கி வைத்துக்கொண்டு தீபாவளி கனவுகளில் மூழ்கிய நாட்கள் இப்பொழுது கொசுவர்த்தியாகிறது !

இந்த முறை ஊரிலிருந்து வரும்போதே தைத்துக்கொண்டுவந்து போட்டும் கொண்டாகிவிட்டது !

6) உங்கள் வீட்டில் என்ன‌ ப‌ல‌கார‌ம் செய்தீர்க‌ள் ? அல்ல‌து வாங்கினீர்க‌ள் ?

1ம்மில்ல!

7) உறவினர்களுக்கும், நண்பர்களுக்கும் எவ்வாறு வாழ்த்துக்களைத் தெரிவிக்கிறீர்கள். (உ.ம். மின்னஞ்சல், தொலைபேசி, வாழ்த்து அட்டை) ?

இந்த முறை வாழ்த்துக்களை பெற்றுக்கொண்டு உடன் வாழ்த்துக்களினை தெரிவித்துக்கொண்டதோடு முடிவுற்றது - அரட்டைகளிலும் மின்னஞ்சல்களிலும் - வேலை பளு காரணமாக சிறப்பாய் 1ம் செய்ய இயலவில்லை (அட! நம்புங்கப்பா பிசியோ பிசி!)

8) தீபாவ‌ளி அன்று வெளியில் சுற்றுவீர்க‌ளா ? அல்ல‌து தொலைக்காட்சி நிக‌ழ்ச்சிக‌ளில் உங்க‌ளைத் தொலைத்துவிடுவீர்க‌ளா ?

ஊரிலிருந்து காலத்தில் 10 மணி வரையிலும் வெடிகள் வெடித்துவிட்டு,டிவியில் வந்து உக்கார்ந்துவிடுவேன்.- வெளியில் சுற்றுவது கிடையாது - தெருவில் வெடியை வைச்சுட்டு வீட்டுக்குள்ளே சென்று ஒளிந்துக்கொள்ளும் தைரியசாலிகள் மீது நம்பிக்கை வைத்து வெளியில் சுற்றுவது கிடையாது !

அதிக நிகழ்ச்சிகளை போட்டிப்போட்டுக்கொண்டு வழங்கும் டிவிக்களால் கண்டிப்பாக விசேஷ நாளின் மகிழ்ச்சி சற்று குறைந்துதான் போகிறது!

9) இந்த‌ இனிய‌ நாளில் யாருக்கேனும் ஏதேனும் உத‌வி செய்வீர்கள் எனில், அதைப் ப‌ற்றி ஒருசில‌ வ‌ரிக‌ள் ? தொண்டு நிறுவ‌ன‌ங்க‌ள் எனில், அவ‌ற்றின் பெயர், முகவரி, தொலைபேசி எண்கள் அல்லது வ‌லைத்த‌ள‌ம் ?

உதவி செய்வேன்!

10)நீங்க‌ள் அழைக்க‌விருக்கும் நால்வ‌ர், அவர்களின் வ‌லைத்த‌ள‌ங்க‌ள் ?

கயல்விழி முத்துலெஷ்மி - கண்டிப்பாக தீபாவளி சம்பந்தமாக சிறுமுயற்சி எதேனும் செய்திருப்பார்கள் அது தொடர்பில் பதிவு வரும் அதான் நான் முந்திக்கிட்டேன்

சந்தனமுல்லை - பப்புவோட இளம்பிராயத்தில் நொம்பத்தான் தலையை விட்டு டிஸ்டர்ப்பு செஞ்சாலும், என்னாமா நோட் பண்றாங்க...!( ஒரு டிரெயிலர் கூட கொடுக்கலாம் அந்த அளவுக்கு நம்பிக்கை இருக்கு - பப்பு ஒரு குலோப் ஜாமூன் சாப்பிட்டு முடித்ததும் ஆச்சி சூப்பரா இருக்கு நீங்க செய்யாம இருந்ததாலதானே? - அவ்வ்வ்வ்வ்வ் )

ராமலக்ஷ்மி இவுங்ககிட்ட தீபாவளி பத்தி கேக்கலைன்னா எப்பூடி [கட்டாயம் சிறுவயது தீபாவளி கொண்டாட்டங்கள் பத்தி, போட்டோக்களோட எதிர்பார்க்கிறேன் அக்கா.]

நிஜமா நல்லவன் - தீபாவளி கொண்டாடியது பத்தி சொல்றதை விட சின்ன வயசு கொசுவர்த்தி சுத்திவிடறதுக்குன்னே கூப்பிடறேன்!

ஞாயிறு கொண்டாட்டம் - லொள்ளு சபா

சனி ஞாயிறுகளில் முழுவது ஊர் சுற்றி திரிந்து ஞாயிறு மாலையில் வீடு தேடி கண்டுபிடித்து வந்து கண்ணயரும் போதுதான் கிளாஸ் வாத்தியார் ஃபிளாஷ் மாதிரி சடக்குன்னு வந்து சடக்குன்னு போவார்!

ஆஹா அடுத்த நாள் திங்ககிழமை காலையிலயே ஆரம்பிச்சுடுமே, ஆங்கில பாடம் - கதை சொல்லணுமேன்னு ஒரு அசரிரீ வந்து ஒலித்துச்செல்லும் - அதுக்குப்பிறகும் தூக்கம் வந்து தூங்கமுடியும்ன்னு நீங்க நினைக்கிறீங்களா....?

தூங்கவும் முடியாம படிக்கவும் தெரியாம மனசு அப்படியே கிடந்து அலைமோதிக்கிட்டு நிக்கும்! ஒரு வழியா சரி எப்படி இருந்தாலும் வகுப்புல பெஞ்சு மேல எந்திரிச்சு நிக்கவேண்டிய நிலைமைதான் வரும்ன்னு மனசை சமாதானப்படுத்திக்கிட்டு சாஞ்சுடவேண்டியதுதான்!

எதிர்ப்பார்த்து பயந்த மாதிரியே வாத்தியார் கிளாஸ்க்குள்ள நுழைஞ்சு அட்டெண்டென்ஸ் எல்லாம் எடுத்துட்டு ஆரம்பிப்பாரு! ( மறந்திருப்பாரோன்னு ஒரு மெல்லிய சந்தோஷம் கிளம்பி அடங்கும் இந்த டைமிங்க்ல !)

வழக்கமா நல்ல படிக்கிற பயலுவோ முன்னாடி பெஞ்சுல குந்திக்கிட்டு டாண்டாண்ன்னு சொல்லிட்டு கமுக்கமா உக்காந்திடுவாங்க

ரெண்டு வரிசை தள்ளி இருக்குற பெஞ்சுலேர்ந்துதான் ஆரம்பிக்கும் வாத்தியாருக்கு ஹாப்பி மூட் எங்களுக்கு டார்ச்சர் & டெரரர் மூட் !

அது எப்படி இருக்கும்ங்கறதை ரொம்ப கிளியரா இந்த வீடியோவுல சொல்லியிருக்காங்க பாருங்க!

ரைக்டர் கேரக்டர்ல வாத்தியாரை நினைச்சுக்கோங்க!

ஐ லவ் லூசி!

நகைச்சுவைக்கென பிரத்யோகமாக வெளியாகிய நாடகங்கள் ஆரம்பகட்டங்களில் சிரிப்புக்களை வரவழைக்கும் சின்ன சின்ன யுக்திகளைனை கையாண்டு உண்மையாக சிரிக்க வைக்கும் செயல்களை செய்து வந்தன. காலங்கள் மாறின காட்சிகளும் கூட...!

சிரிப்பு வரவழைக்க முடியாத செயல்களை செய்ய ரொம்ப கஷ்டமா இருக்கறச்ச நாமளே நாலு பேரை தனியா சம்பந்தா சம்பந்தமில்லாம காட்சிகளில் சிரிக்க வைப்போம் அந்த சிரிப்பு சத்தம் கேட்டு மக்களும் அட இதுவும் காமெடி போலன்னு சிரிப்பாங்கன்னு ஒரு டெரரர் ஐடியா கண்டுபிடிச்சு அது இன்னிக்கு வரைக்கும் கண்டினியூ ஆகுது - நம்ம ஊர்ல!

இது போன்றே காட்சிகள் ஒளிப்பரப்பாகும்போது தனித்து சிரிப்பு சப்தங்கள் காட்சிகளுக்கேற்ப இணைக்கப்பட்டு பெரிதும் மக்களால் மிகவும் விரும்பி பார்க்கப்பட்ட முதல் நகைச்சுவை தொலைக்காட்சி தொடர்தான் ஐ லவ் லூசி!

குடும்பத்தில் தினந்தோறும் நடக்கும் நிகழ்ச்சிகளில் வெளிப்படுத்தப்படும் நகைச்சுவைதான் ஐ லவ் லூசியின் தீம்!

1948ஆம் ஆண்டில் வானொலியில் ஒலிப்பரப்பாக தொடங்கிய இந்த நகைச்சுவைத்தொடர் பலத்த வரவேற்பினை பெற்றிருந்தாலும் மக்களிடையே ஒரு வித நம்பகத்தன்மை இன்றியே காணப்பட முதல் முதலாய் 1950 நேரடியாக களத்தில் இறங்கிய லூசி தம்பதியினரின் நகைச்சுவை தெறிக்கும் நாடகம் தொலைக்காட்சியில் தொடர்ந்து,6 ஆண்டுகள் வரை டாப் 3 நிகழ்ச்சிகளிலுக்குள்ளேயே இருந்தது!

டாப் 3 நிகழ்ச்சிகளில் மக்களால் ரசிக்கப்பட்ட இந்த நகைச்சுவை தொடர் அந்த வரிசையில் இருக்கும்போதே நிறுத்தப்பட்டதும் கூட வியப்பினை அளிக்கும் விசயமாக இருந்தது!

கொஞ்சமாய் இண்ட்ரோ கொடுத்தது போதும்ன்னு நினைக்கிறேன்! கொஞ்சமாய் நகைச்சுவை காட்சியினையும் பாருங்க!

டிஸ்கி:- இவையனைத்துமே கோமதி அம்மா கமெண்டாய் தெரிவித்த செய்தியின் அடிப்படையில் நான் தெரிந்துக்கொண்ட (நீங்களும் கூட இருக்கலாம்!?) நகைச்சுவை நடிகையும் - நகைச்சுவை ஒலி ஒளி நாடகம் தொடர்பான செய்திகள் !

ஞாயிறு கொண்டாட்டம் - லாரல் & ஹார்டி!

இன்றைய (நவீன!?) காலகட்டத்தில் நகைச்சுவை காட்சிகளினை காண்கையில் ஏற்றுக்கொள்ளமுடியாத வகையிலான காட்சிகளின் குவியல்களாலாகவே இருக்கிறது!

ஏதோ சிரிப்பு மட்டும் வெளிப்பட்டால் போதும் என்ற மனநிலையிலேயே காட்சிகள் படமாக்கப்பட்டு வெளியாகின்றன! நடிப்பவர்களுக்கோ அல்லது அதை காட்சிகளாக படமாக்குப்பவர்களுக்கோ காட்சிகளில் உள்ள அபத்தங்கள் கொஞ்சம் விளங்குவதில்லையா? அல்லது விளங்கினாலும் வேறு வழியே இல்லை, இந்த காட்சி எடுத்தால்தான் மக்களை சிரிக்க வைக்கமுடியும் என்று மொத்தமாய் முடிவு கட்டிக்கொண்டு களத்தில் இறங்குகிறார்களா என்று புரியவில்லை!

லாரல் & ஹார்டி இரட்டை நகைச்சுவை நாயகர்களின் திரைப்பட காட்சிகள் சில வருடங்களுக்கு முன்பு ராஜ் டிவியில் பொழுது போகாத தருணங்களில் (அவுங்களுக்கு!) ரசித்து பார்த்ததுண்டு!

அங்க அசைவுகளிலும்,ஒருவருக்கொருவர் செய்யும் அசட்டை செயல்களிலும்,பார்ப்பவர்கள் மனம் நிறைய சிரித்து மகிழ வாய்ப்புக்கொடுத்துக்கொண்டே இருப்பவர்கள்!

இந்த காட்சியினை இப்போதைக்கு கண்டு சிரியுங்கள்...!

ஞாயிறு கொண்டாட்டம்!

போன நாட்களின் களைப்பினை போக்கி

வரும் நாட்களை உற்சாகத்தோடு நோக்கி..

இருக்கும் நாள் இந்த இனிய ஞாயிறு

கொண்டாடி மகிழும் நாளாகவே அமையவேண்டி..!

அதுக்குத்தான் இந்த கிளிப்பிங்க்ஸ்ஸ்ஸ்ஸ்.....!

டிஸ்கி:- இதுவரைக்கும் எங்களுக்குன்னு பதிவே போடலைன்னு வருத்தப்பட்ட என்னோட ப்ரெண்ட்ஸ் நிலா,பவன்,பப்பு,சபரி,ஆஷிஷ்,அம்ர்தவர்ஷினி,தீஷு,மஹதி,ம்ம்ம்ம் இன்னும் சில பேரு மறந்துப்போச்சு.....!

கடைசியில டாம் சிரிக்கிற மாதிரியே எதையாச்சும் நினைச்சு சிரிக்கணும் என்ன ஒ.கேவா?! :)

12.12.07ல் - விருட்சமாய்... !

12.12.07ல் -வாழ வைக்கும் தெய்வம் நீ ... !

12.12.07ல் - வாழ வைத்த தமிழ்...!

12.12.07ல் - வென்று முடிப்பவன்!

12.12.07ல் - காலடி மண்ணெடுத்து...!

12.12.07ல் - சொன்னாலும் தீராது..!

12.12.07ல் - நம்ம பத்தி கேட்டுப்பாருங்க !

12.12.07ல் - ஆகாயம் போல் வாழ்பவன்..!

12.12.07ல் - கடவுள் உள்ளமே...!

12.12.07ல் - ஒரு நாளும் உனை மறவாத... !

12.12.07ல் - சூப்பர் ஸ்டாரு யாருன்னு கேட்டா?

12.12.07ல் ரஜினி - 1

ரெடி...!

ஸ்டார்ட்....!

ஜூட்....!