ஹீரோ பேனா :-)

அம்மா...!

எதிர்வீட்டு சார் பையன் துபாய்லேர்ந்து வந்திருக்காருல்ல, நான் அவர்கிட்ட ஹீரோ பேனா இருக்கான்னு கேட்கட்டுமாமா?

ஒவ்வொரு முறையும் எதிர் வீட்டு அண்ணன் வரும்போதும் என்னுள்ளோ எழும் கேள்விக்கணைகளை அம்மா எப்படித்தான் மறுப்பாளோ தெரியாது சில பல மணி நேரங்களுக்கு பிறகு எல்லாமே மறந்து போய்விடும்!

அவ்வப்போது புதுதாய் யாராவது பேனா கொண்டுவந்தால் மட்டும் ஒரு ஆசை திரும்ப கிளர்ந்தெழும்!

பின்னாளில் என்னைப்போன்றவர்களுக்காகவே வந்த வரமாய் கடைகளில் பத்து ரூபாய்க்கு ஹீரோ பேனாக்கள் விற்பனைக்கு கிடைக்கதொடங்கின!

எப்படியே காசு கிளப்பிக்கொண்டுப்போய் முதன் முதலாய் வாங்கிய இரு பேனாக்களும் அதை மிக ஆசையுடன் சட்டை பையில் வைத்துச்சென்ற நாள் என்னால் மறக்க முடியாத ஒன்று!

ஒரு பேனாவில் நீல நிற இங்கினையும் மற்றொரு பேனாவில் சிவப்பு நிற இங்கினையும் நிரப்பி சென்ற நான் சிவப்பு பேனாவை வைத்து சயீன்ஸ் வாத்தியார் சொன்ன கேள்வியை எழுதி அடிக்கோடிட்டு அப்படியே எடுத்து பையில் வைத்ததில், வெள்ளை நிற யூனிபார்ம் சட்டை சொன்னது அந்த நாளை என் வாழ்வில் மறக்க முடியாத நாளாக!

கடந்த விடுமுறைக்கும் ஊருக்கு செல்லும் முன்பு ஒரு ஞாபகம் வந்து சென்றது சரி நாமளாவது நிறைய ஹீரோ பேனாக்களை வாங்கிக்கொண்டு

செல்லலாம் என்று,ஆனால் கடைத்தெருவில் சென்றுபார்க்கையில்தான் அதெல்லாம் அந்த காலம் என்று நினைவுக்கு வரும் அளவுக்கு பேனாக்கள் மாறுபட்டு போய்விட்டன.

அப்படியும் சில பல பேனங்கள் எடுத்து சென்றிருந்தேன்!

ஆனாலும் என்னிடம் எதாவது கேட்க நினைத்தவர்களுக்கு ஏனோ இது பற்றிய ஞாபகம் மட்டும் வரவில்லை?

மொபைல் போன் அங்க ரொம்ப வெல குறைச்சலாம்ல....?????