பாடி பிரிட்டானியா பிஸ்கெட் பேக்டரி - CLOSED

சென்னை பாடியில் இருக்கும் பிரிட்டானியா பிஸ்கெட் பேக்டரி கடந்த 7ந்தேதியுடன் தனது உற்பத்தியினை நிறுத்திக்கொண்டு அங்கு வேலைப்பார்த்து வந்த சுமார் 200 தொழிலாளர்களுக்கு விருப்ப ஒய்வு திட்டத்தின் அடிப்படையில் பணி ஒய்வளிக்க முடிவெடுத்துள்ளது.

பெரும்பாலுலான பிஸ்கெட் உற்பத்தியை அவுட்சோர்ஸிங் முறைக்கு அனுப்பிவிட்ட பிரிட்டானியாவிற்கு வரும் லாப விகிதங்களை ஒப்பிட்டு பார்க்கையில் இங்கு சென்னையில் உள்ள தொழிற்சாலையை மூடி தொழிலாளர்களை அவர்களின் விருப்பத்தோடு வீட்டுக்கு அனுப்பி, கிட்டதட்ட 20 ஏக்கர் நிலத்தையும் விற்றுதீர்த்தால் நல்ல லாபமாம் அதனாலேயே உடனே முடிவெடுத்துவிட்டது!

ஏற்கனவே மூன்று ஷிப்டுகளாக இயங்கி வந்த உற்பத்தி இரண்டு வருடங்களாக ஒருஷிப்டில் மட்டுமே இயங்கி வருகிறதாம். சில வருடங்களுக்கு முன்பே சுமார் 250 பேரை வீட்டு வி.ஆர்.எஸ்ஸில் அனுப்பிவிட்டார்களாம்.

தற்போதைய பாடி ஃபேக்டரி இடம் ஹச்.சி.எல் ஷிவ் நாடாரின் கைக்கு செல்கிறது கம்ப்யூட்டர் சாப்ட்வேர் தொழிலில் கட்டுமானங்களை உருவாக்க ஹச்.சி.எல் முடிவெடுத்து போட்டியில் முதலில் உள்ளது .

அவுட் சோர்சிங் முறையில் தற்போது தமிழ்நாட்டில் சோழிங்க நல்லூரிலும் மதுரையில் வெள்ளக்கோவிலும் சுமாராக 2500டன்கள் தயாரிக்கப்படுகின்றதாம்.

பாடி பஸ்நிலையத்தில் நிற்கும்போதும் சரி அந்த ஃபேக்டரியின் காம்பவுண்ட் சுவரினை ஒட்டி இருக்கும் சந்து வழியாக சீனிவாசா நகர் செல்லும்போதும் சரி,ஃபேக்டரி புரொடெக்‌ஷனிலிருந்து, காற்றினில் கலந்து வெளிவரும் அந்த இனிய பிஸ்கெட் வாசம் - இனி வராத அந்த வாசத்தை - ஏனோ இன்று ஞாபகப்படுத்தியது.