பதின்மம்

பதின்மம் - கடந்துபோனவற்றை நினைத்து பின்பு கவலை கொள்ளவைக்கும் பல நிகழ்வுகள் நடக்கும் பருவம்

குறிப்பாக இவைகள்தான் எனது பதின்ம வயது நினைவுகளின் பெரும் பக்கங்களை நிறைத்திருக்க முடியும் என்ற தீர்க்கமான முடிவோடு எழுத ஆரம்பிக்கின்றேன் ஒவ்வொரு விசயங்களை பற்றியும் கூறும்போது வெவ்வேறு சம்பவங்களின் குறுக்கீடுகளோ அல்லது இடைச்சொருகள்களோடே செய்யவேண்டிய நிர்பந்தங்களோ மட்டுமே அதிகம் இருக்கிறது!

படிப்பு - 1-முதல் 5 வரையிலான பள்ளி நிகழ்வுகள் மிக சுலபமாகவே சென்றுவிட்டதாகவே தோன்றுகிறது இப்பொழுது நினைக்கையில் அண்ணன் மற்றும் அக்காவுக்கும் அம்மாவிற்கும் துணையாக சென்ற காலத்தினை தொடர்ந்து நானும் பள்ளி சென்று வந்திருக்கிறேன் என்பது 6 ம் வகுப்பு எண்ட்ரன்ஸ் தேர்வு எனும் டெரரிசத்தில் புரிபட்டது!என்னமோ கேட்க நான் என்னமோ எழுதி வைக்க தென்னை தன் வரலாறு கூறுதலில் ஏனோ சறுக்கு ஏற்பட்டுவிட்டது போல அதை பரீட்சை முடிந்து வெளியே வந்து என்னவொல்லாம் எழுதினேன் என்று பெரிதாக சொல்லி வைக்க வீட்டின் உறவுகளுக்கு மத்தியிலும் கேலிகளுக்கு ஆளானதுதான் ஞாபகத்துக்கு வருகிறது - வடிவேலு ஸ்டைலில் நான் எதுக்குடா லாயக்கில்லாம போயிட்டேன் - ரேஞ்சுல நான் அப்படி என்னாடா தப்பு செஞ்சேன்னு கொஞ்ச நாள் சொல்லிக்கிட்டு திரிஞ்சேனாக்கும்.

பத்தாவது வரைக்கும் படிப்பு போனது என்னவோ கொத்ததெருவுக்கும் சின்னகடைத்தெருவுக்கும் சுத்தின காலமாத்தான் தெரிஞ்சுது அடுத்த கட்டம் பலவித கனவுகளோட பயணித்த பாலிடெக்னிக் படிப்புதான் - டெய்லி படிக்கணும் முடிஞ்ச அளவுக்கு பர்ஸ்ட் மார்க் எடுக்க முயற்சிக்கணும் கூட்டத்தில தனியா ஜொலிக்கணும்ன்னு டெரர் கனவுகளோட போயி வந்தாச்சு! -அவ்ளோதான் போயிட்டு வந்தாச்சு - கனவுகள் கனவுகளாகவே நின்னுடுச்சு! - அதுவும் கடந்து போகும்

விளையாட்டு - ஸ்போர்ட் டே என்ற ஒரு நிகழ்வு ஒவ்வொரு வருடமும் பள்ளிகளில் நடந்துக்கொண்டிருக்கிறது,முன்பிருந்த சூழலுக்கும் தற்போதைய சூழலுக்கும் ஓப்பிட்டு பார்க்கும்போது,பங்கேற்க போன காலம் கடந்து பார்த்துவரச்சென்ற காலமும் கடந்து இன்று அன்று ஒரு நாள் விடுமுறையில் வீட்டிலேயே அடைந்து கிடக்கும் நிலை! பங்கேற்கும் ஆர்வம் அதிகம் இருந்திருந்தாலும் அதற்கான முயற்சிகள் ஏதுமின்றி போனது இன்றும் ஒரு குறையாகவே நினைவடுக்குகளில் அமிழ்ந்திருக்கிறது

காதல் - ப்ரெண்ட்ஸ் சர்கிள் ஆளாளுக்கு லவ்ஸ்ல உழன்றுக்கிட்டிருந்தாங்க - ஹம்ம்ம் அதுதான் நல்ல டைம்ன்னு யாரு ஐடியா கொடுத்தாங்களோ!- எனக்கு அந்த பக்கம் மனசளவில இருந்த இண்டரஸ்டுக்கு சைடு கொடுத்து கிளப்பிவிடக்கூடிய அளவுக்கு தைரியம் இல்லாம ஏகப்பட்ட விசயங்களை நினைச்சு குழப்பிக்கிட்டு கிடந்தது ஈடுபடும் ஆர்வம் அதிகம் இருந்திருந்தாலும் அதற்கான முயற்சிகள் ஏதுமின்றி போனது இன்று இதுவும் ஒரு குறையாகவே நினைவடுக்குகளில்..!

இந்த பதின்ம வயதில் சட்டுன்னு தான் முடிவுகளை எடுக்க தோணும் ஆனா கொஞ்சம் பொறுமையாத்தான் எடுக்க முயற்சிக்கணும்! பொறுமை எடுக்கறதுங்கிறதே கொஞ்சம் ஆலோசனைகள் நிறைய யோசனைகள் கொண்டதாக அமையும் அப்ப ஒரளவுக்கு நல்லதாகவே முடிவுகள் ஏற்படும் அப்படிங்கறது என்னோட நம்பிக்கை ! (அட்வைஸ்! அட்வைஸ்!!)

ஊர் சுற்றல் - விண்ணை தொட விரும்பும் வயதில் ஊர் சுற்றுதல் என்பது தவிர்க்கமுடியாத நிகழ்வு போதுமான அளவு ஊரையும் சுற்றுவட்டாரங்களையும் சுற்றி வந்ததன் விளைவு இப்பொழுதும் கூட ஏதேனும் ஒரு தெருவினை/ஊரினை கடக்கும்போது நினைவுகள் மீளப்படுகிறது!

நண்பர்கள் - நட்பு ஒருவனாய் தொடங்கியதா அல்லது குழுவாக கிடைத்ததா என்று நினைத்துப்பார்க்க தொடங்கிய நாள் முதல் வீண் கோபத்தில் சண்டையிட்டு முறைத்துக்கொண்டு சென்றதும் மீண்டும் நட்பு பாராட்டியதும் இன்றும் நினைவில் கொண்டு வெட்கச்சிரிப்பு வெளிப்படுத்த தயங்குவதே இல்லை !

இவர்களின் பதின்மம் எப்படி சுவாரஸ்யமான ஒன்றாக அமைந்திருக்கும் என்று சில வேளைகளில் கற்பனை செய்து பார்த்ததுண்டு - அவர்களும் வந்து சொல்லட்டும் சரிபார்த்துக்கொள்வோம் :)

சென்ஷி

தமிழ்பிரியன்

கறுப்பி தமிழன்

நிஜமா நல்லவன்


டிஸ்கி:-

பதின்ம பருவத்து நிகழ்வுகள்/நினைவுகள் கன்னாபின்னான்னு இருக்கும் என்பதற்கு ஒரு உதாரணமாய் இங்கு :)

மகிழ்ச்சியை பகிர்ந்து கொள்கிறேன் - பதிவர்கள் குடும்பத்தோடு..!

நாகரீகமாக உடுத்தி, நெற்றியில் விபூதி இட்டு, கழுத்தில் இரட்டை வட செயின் சகிதம் எப்போதும் பளிச்சென்றுதான் இருப்பாள். எப்போதும் பிள்ளையார் பைத்தியமாக இருந்த பேரனோடு தான் எடுத்துக்கொண்ட போட்டோதான் பாட்டிக்கு பிடித்தமான போட்டோ. பிள்ளையார் இருந்தால்தான் போஸ் கொடுப்பேன் என்று அழுது அடம்பிடித்த பேரனை சமாதானப்படுத்தி ஸ்டுடியோவிலேயே இருந்த போட்டோவை கழட்டி பேரனிடம் கொடுத்துவிட்டு ஒரு கையில் பேத்தியையும் இன்னொரு கையில் போட்டோவையும் நழுவ விடாமல் பத்திரமாக பிடித்துக்கொண்டு பேரப்பிள்ளைகளே என்னுடைய உலகம் என்று முப்பது வருஷமாய் மனதுக்குள் தீர்மானம் செய்து வைத்திருந்த பாட்டிதான் எனக்கு மகளாக பிறக்கவேண்டும்.

இறைவனுக்கும், எம்மை ஈன்றவளின் தாய்க்கும் வைத்த கோரிக்கை நிறைவேறியது!

எங்கள் குடும்பத்தை மகிழ்விக்க, என் அண்ணனின் மகளாய், எம் குடும்பத்தின் குட்டி தேவதையாய், மறு பிறவி எடுக்கும்,

எமக்கு தாயாய் இருந்த - இருக்கும், எம் பாட்டிக்கும்,

இறைவனுக்கும் நன்றிகளுடன்...!

எனது மகிழ்ச்சியினை பகிர்ந்துகொள்கிறேன்! பதிவர் உலகில் வாழும் எம் தமிழ் குடும்பங்களோடு...!

நன்றி சொல்லும் நேரம்...!

நன்றி சொல்லும் நேரம்!

நானாக நானிருந்த காலம் போய்,

வீணாகி போகாத காலமாக இந்த நாட்கள்;

வரலாற்று பெயராக மாற்ற வேண்டுமென்ற ஆவல்

ஆனால் வர வேண்டுமே! அதற்கேற்ற பொருள் - என் பதிவில்

நகர்ந்து விட்டது நாட்கள்!

தகர்ந்து விட்டது தமிழ்மணம் நட்சத்திர ஆசை!

நகரும் நாட்களுக்கு நன்றி சொல்ல நினைக்காத மனம்தான்

எல்லோருக்கும் உண்டு.!

நகராமல் இப்படியே இருந்துவிடட்டுமே, என்று!

நகராமலே இருந்தால், அதற்கு பெயர் நரகமாகிவிடக்கூடுமே...!

நகர்வு இருக்க வேண்டும்

நன்மை செய்யும் நகர்வாகவே..!

என் நகர்வு வரும் நட்சத்திரப்பயணிக்கு,

நலமாக அமையவேண்டும்!

நாளும் நல்லது சொல்வோம்

நாளும் நல்லது செய்வோம்

நாளும் நலமுடன் வாழ்வோம்!

நாளும் நல்லவராக வாழ்வோம்!

நலம் பல செய்வோம்! – எல்லோருக்கும்!

பொல்லா வினையே...!

எண்பதுகளின் கார்த்திகை மாதத்து ஞாயிற்றுக்கிழமை காலை நேரங்களை மறக்க முடியாது. ஒரு கையில் பூக்கூடையும் இன்னொரு கையால் எனது கரத்தையும் இழுத்துப்பிடித்தவாறே முன்னே நடப்பாள். தருமபுர மடத்துக்கு வடக்கே முழுங்காலை தொட்டுக்கொண்டு ஓடும் காவிரியில் முதலில் என்னை குளிப்பாட்டி கரையில் உட்கார வைத்துவிட்டு கழுத்தளவு தண்ணீரில் கால் கடுக்க காத்திருப்பாள். வழக்கம்போல் லேட்டாக வந்து தீர்த்தம் கொடுத்த சாமி சீக்கிரமாக திரும்பிப் போவதற்குள் மூங்கில் பாலத்தின் மேலேறி ஈரத்துணியை இழுத்துப்பிடித்தவாறே கருங்குயில்நாதன் பேட்டை நோக்கி நடக்கும் பாட்டியின் உள்ளங்கையிலிருந்த அதே ஜில்லிப்பு, காவிரிக்கரையோரம் அவளின் கடைசிப் பயணத்திலும் இருந்தது.

'பாட்டி' என்று யாரும் விளித்தாலும் என் பாட்டிக்கு பிடிக்காது. பாட்டி என்று இப்போது நான் எழுதுவது கூட இரண்டு விஷயங்கள் உறுதியாக தெரியும் என்பதால்தான். ஒன்று, பாட்டிக்கு எழுதப் படிக்க தெரியாது. இரண்டாவது அப்படியே பாட்டி என்று எழுதியிருந்தாலும் திரும்பி வந்து கோபித்துக்கொள்ள முடியாத இடத்திற்கு போய்விட்டவள் அவள். நினைவு தெரிந்த நாள் முதல் எனக்கு அவள் 'அம்மா'தான். உண்மையில் ஒரிஜினல் அம்மாவை விட ஒரு ஸ்தானம் மேல். குடும்பத்தை துரத்திய வறுமை காரணமாக பதினாலு வயதில் இரண்டாம் தாரமாக வாழ்க்கைப்பட்டு பத்தே வருஷத்தில் அந்த வாழ்க்கையையும் பறிகொடுத்துவிட்டு ஒரே பெண்ணை படிக்க வைத்து டீச்சராக்கியதையெல்லாம் பாட்டி எப்போதே மறந்துவிட்டிருந்தாள். பாட்டியை பொறுத்தவரை கடந்த முப்பது வருஷங்களில் நடந்து நிகழ்வுகளில் மட்டுமே வாழ்ந்து கொண்டிருந்தாள். சினிமா, டி.வியை விட மூன்று பேரப்பிள்ளைகளையும் சுற்றி சுற்றி வந்து பார்த்துக்கொள்வதுதான் அவளின் பொழுதுபோக்கு. ஐந்து மணி அடித்ததும் தெருவை வெறித்தபடி வாசலில் காத்துக்கிடப்பாள். எல்லோரும் வந்து சேர எட்டு மணி ஆனாலும் இருக்கும் இடத்தைவிட்டு நகரவேமாட்டாள்.

பாட்டிக்கும் பேரனுக்கும் பிடித்தமான பிள்ளையார் கோயில் அது. தருமபுர மடத்தில் ஞானசம்பந்தம் பிரஸ் நடத்திக்கொண்டிருந்த தனது கணவர் எப்போதும் உட்கார்ந்திருக்கும் அந்த பிள்ளையார் கோயில் வாசலை ஐம்பது வருஷமானாலும் பாட்டியால் மறக்க முடியவில்லை. தருமபுரம் வரும்போதெல்லாம் பிள்ளையாருக்கு விசேஷ கவனிப்பு உண்டு. அளவுக்கதிகமான அக்கறையும் அன்பும், எரிச்சலை கொண்டு வரும் என்பதை பாட்டி உணரவேயில்லை. அதற்கான எந்தவொரு வாய்ப்பையும் யாரும் ஏற்படுத்திக்கொடுக்கவேயில்லை. காவிரிப்பூம்பட்டினத்தில் பாட்டியின் கடைசி அஸ்தியை கரைத்துவிட்டு திரும்பி பார்க்காமல் நடக்கும்போது அந்த குற்றவுணர்ச்சிதான் வதைத்தது. உடம்பு சரியில்லாத நாட்களில் பத்து நிமிடத்திற்கொரு முறை நெற்றியை தொட்டுபார்த்தவாறே பக்கத்திலேயே உட்கார்ந்திருக்கும் பாட்டியின் கடைசிக்காலங்களில் ஒரு பத்து மணி நேரம் கூட பக்கத்திலிருந்து பார்த்துக்கொள்ளமுடியவில்லையா? என்கிற மனசாட்சியின் குரலை எதிர்கொள்ளும் திரணி எனக்கில்லை. ஆனால், பாட்டி இதையெல்லாம் நிச்சயம் எதிர்பார்த்திருக்கவே மாட்டாள். அந்த கருப்பு ஞாயிற்றுக்கிழமையின் இருட்டு வேளையில் எந்த டாக்டரையும் தொந்தரவு செய்யாமலேயே காசி தண்ணீரை ஒரு மடக்கு குடித்துவிட்டு, சொந்த பந்தங்கள் சுற்றி நின்று வேடிக்கை பார்க்கும்போதே விழியோரம் ஒரு துளி கண்ணீரையும் மூக்கோரமாய் ஒரு துளி ரத்தத்தையும் சிந்திவிட்டு நிரந்தரமாக தூங்கிப்போனாள்.

'ஸார், சைஸ் ரொம்ப கம்மியா இருக்கே.. Resoultion பத்தலை. பெரிய சைஸ் படமா பிரிண்ட் எடுக்க முடியாதே...' கலர் லேப்காரன் சொன்ன வார்த்தைகளின் கூர்மை, ஆணியை விட நெஞ்சை அதிகமாகவே பதம் பார்த்தன. எத்தனையோ படங்களை எங்கேங்கோ போய் எடுத்து வந்திருந்தாலும் வீட்டுக்குள்ளேயே இருந்த பாட்டியை குளோஸப்பில் எடுக்க மறந்தது வாழ்க்கையில் நான் செய்த மிகப்பெரிய மடத்தனம். இத்தனைக்கும் பாட்டிக்கு காமிராவை கண்டால் அலர்ஜி என்றெல்லாம் சொல்வதற்கில்லை. நாகரீகமாக உடுத்தி, நெற்றியில் விபூதி இட்டு, கழுத்தில் இரட்டை வட செயின் சகிதம் எப்போதும் பளிச்சென்றுதான் இருப்பாள். எப்போதும் பிள்ளையார் பைத்தியமாக இருந்த பேரனோடு தான் எடுத்துக்கொண்ட போட்டோதான் பாட்டிக்கு பிடித்தமான போட்டோ. பிள்ளையார் இருந்தால்தான் போஸ் கொடுப்பேன் என்று அழுது அடம்பிடித்த பேரனை சமாதானப்படுத்தி ஸ்டுடியோவிலேயே இருந்த போட்டோவை கழட்டி பேரனிடம் கொடுத்துவிட்டு ஒரு கையில் பேத்தியையும் இன்னொரு கையில் போட்டோவையும் நழுவ விடாமல் பத்திரமாக பிடித்துக்கொண்டு பேரப்பிள்ளைகளே என்னுடைய உலகம் என்று முப்பது வருஷமாய் மனதுக்குள் தீர்மானம் செய்து வைத்திருந்த பாட்டிதான் எனக்கு மகளாக பிறக்கவேண்டும். ராட்டிகளும் சவுக்கு கட்டைகளும் ஆக்கிரமிப்பதற்குள் பாட்டியின் சிதைந்து போன கால் கட்டைவிரல் நகத்தை வருடியவாறு நான் சமர்ப்பித்த அந்த அப்ளிகேஷனை ஆண்டவன்தான் பரிசீலிக்கவேண்டும்.

இது ஓரு மீள் பதிவு!

கடந்த வாரம் வரை என்னைப்பற்றி தெரியாது இருந்தவருக்கு,
நட்சத்திர வாரத்தின் முதல் நாள், என் பால்ய கால புகைப்படம் பார்த்த பின் வந்த முதல் மெயிலில் இருந்த வார்த்தை!

KEEP IT UP…! GO AHEAD

என் சகோதரன் ரஜினி ராம்கியிடமிருந்து...!

வைத்தா டீ ஸ்டால் - மயிலாடுதுறை

மணிக்கூண்டு பார்க்கத பொண்ணும்;

வைத்தா கடை டீ குடிக்காத ஆணும்;

மயிலாடுதுறையில இருந்ததா சரித்திரமே இல்லைங்க!

அப்படியொரு பிரபலமான கடை!

இத்தனைக்கும் பத்து பேர் ஒண்ணா சேர்ந்து போனா அப்புறம் வர்றவங்க லைன் கட்டி ரோட்லதான் நிக்கணும்!

அந்த மாதிரியான இடம்தான் இருந்தாலும், டெயிலி வந்து போற கூட்டம் எண்ண முடியாது!

எனக்கு வைத்தா கடை அறிமுகமானது 1985களில் வெளியூருக்கு (வைத்தீஸ்வரன்கோவிலுக்குத்தாங்க!) போய் வரும்போதெல்லாம் சைக்கிள் ஸ்டாண்ட கணக்கு பண்ணி எங்க அப்ஸ் சுருக்கா இங்கயே காபி அல்லது டீ வாங்கி கொடுத்து அழைச்சிட்டு வருவாரு!

கொஞ்சம் வருசம் கழிச்சு நாமளே தனியா போக ஆரம்பிச்சாச்சு!

காலேஜ் பரீட்சைக்கு படிக்கறதுக்குன்னு லீவு போட்டு வெளிய எங்கயும் போகாம, வுட்ல உக்காந்து படிச்சு சாயங்காலம் 6.00 மணிக்கு வைத்தாவுக்கு போய் சூடா ஸ்ட்ராங் டீ சாப்பிட்டு வந்தா அப்புறம் போகும் டைம் 12.00 வரைக்கும்!

இந்த டெக்னிக் என் பிரதர்கிட்டயிருந்து நான் சுட்டது! அவன் படிக்கற டைம்ல திடீருன்னு பத்துமணிக்கு கதவு திறக்கிற சத்தம் கேக்கும் என்னாடா பண்றான்னு ஒருநாள் கேக்கறச்சா "சைக்கிள எடுத்துக்கிட்டு தடதடன்னு மிதிச்சிக்கிட்டு போன பாதிதூக்கம் போயிடும் அப்புறம் ஒரு டீ குடிச்சிட்டு திரும்பவந்தா விடிய விடிய படிக்கலாம்ன்னு, சென்னான்!

படிக்கற காலத்துல இப்படின்னா! கொஞ்ச காலம் ஊர்ல வேலை பார்க்கும்போது வைத்தா டீக்கடைக்கும் எனக்கும் இன்னும் கொஞ்சம் நெருக்கம் அதிகமாயி,காலையில ஒரு விசிட், பதினொரு மணிக்கு ஒரு விசிட் மதியத்தில எப்போதாவது சாய்ங்காலம் ஒரு விசிட்ன்னு ஆகிப்போச்சு! அதுவும் சும்மா தனியாயெல்லாம் போயி நின்னு குடிக்கறது கிடையாது! பிரெண்ட்ஸ் ஒவ்வொரு மூலையில இருப்பாங்க ஒரு மிஸ்டு கால் கொடுத்தா போதும் இரண்டரை ரூபா டீக்கு cost benefit ratio போட்டு பார்க்காமலேயே,பெட்ரோல் செலவுப்பண்ணிக்கிட்டு வருவாங்க!

டீக்கடையுடனான அனுபங்கள் தொடரும்....!

சிவபோக சாரம்

அவரவர் வினை வழியவர் வந்தன;
அவரவர் வினை வழியவர் வருபன;
எவர்ரெவர்க்கு உதவினாரே எவர்ரெவர்க்கு உதவிலரோ
அது அவர் நினைவது தமையுணர்வதுவே!

ஏதேது செய்தாலும்,
ஏதேது சிந்தித்தாலும்,
ஏதேது சொன்னாலும்,
மகாதேவா உன் செயலே!
என்று உன் அருளாலே உணர்ந்து,
உன் செயலே காண்கிறேன்!

தருமையாதீனத்தை உருவாக்கிய ஸ்ரீஞான சம்பந்த சுவாமிகளால் இயற்றப்பட்ட சிவபோகச் சாரம் என்னும் நூலிலிருந்துதான் மேற்கண்ட பாடல்கள் இடம்பெற்றுள்ளன!

அந்த கால தமிழில் தட்டுதடுமாறி, முழுவதும் படித்து முடிப்பதற்குள், தடுமாறி மிக கஷ்டப்பட்டு போய்விட்டேன்! ஆனாலும் ஒருவித ஆர்வம் ஈர்ப்பு அந்த எழுத்துக்களில் இன்னும் இருக்கின்றது!

சைவத்தமிழை அனைவரும் அறிந்துகொள்வதன் மூலம் நாம் நமது கலாச்சாரத்தையும் பண்பாட்டினையும் அறிந்துகொள்வதோட் அரிய பல சிந்தனைகள் பொதிந்த செய்திகளை நாம் கட்டாயம் தெரிந்துகொள்ளவேண்டும்

இது போன்ற விஷயங்களுக்கு நாம் அதிகம் செலவளிக்கவும் தேவையில்லை, மிக மலிவான விலையிலேயே இது போன்ற பதிப்புக்களை, தருமபுரம் ஆதீனம் போன்ற சைவத்தமிழ் வளர்க்கும் ஆதீனங்களும், சைவ சித்தாந்த நூற்பதிப்பு கழகங்களும் அச்சிட்டு வெளியிட்டு வருகின்றன!

மேல் படிப்பை மேற்கொள்ளும் மாணவர்கள் தொழில்நுட்ப துறைகளிலேயே தம் கவனத்தை செலுத்தி வரும் இக்காலகட்டத்தில்,இது போன்ற பழந்தமிழ் பாடல்களை,- வாழ்க்கை பற்றிய பாடங்களை - தெரிந்து, அறிந்து, புரிந்துகொள்ள முயற்சிகள் ஏதுமின்றி தடம் மாறி போய்க்கொண்டிருக்கிறோம்!

எங்கள் ஊரில் நடக்கும் புத்தக கண்காட்சிகளில் கண்டிப்பாக தருமபுர ஞான சம்பந்த பதிப்பகமும், திருநெல்வேலி சைவ சித்தாந்த நூற்பதிப்பு கழகமும் தம் சைவதமிழ் திருமுறை நூல்களை பதிப்புகளை பார்வைக்கு வைக்கும் (ஆம் பார்க்க மட்டும்தான் பெரும்பாலானோர் வருகிறார்கள் அதுவும் வழவழப்பான அட்டையுள்ள நூல்கள்தான் அவர்களுக்கு பார்க்க, வாங்க ரொம்ப விருப்பமாக உள்ளது)

தற்போதைய சுழல் தமிழ் பாடங்களை மேல் படிப்பில் எடுத்து படிப்பதென்பது,குறைவாகி,தாழ்வாகியும் போய்விட்டது! கல்லூரியில் தமிழ் மாணவன் என்றால் ஏளன பார்வையோடு என்ன வேலை கிடைக்கும் என்ற கேலிப்பேச்சுகளே பிரபலமாகி வருகின்றன! கல்லூரிகளில் தமிழை விட கணிப்பொறி அறிவியல்தான் மிக முக்கியத்துவமானதாகிவிட்டது!

தமிழ் சொற்பொழிவுகள்,கருத்தரங்குகள் குறைய தொடங்கியதற்கு இதுவும் ஒரு காரணம்! இலக்கிய விழாக்களென்றால் காத தூரம் ஒடுகிறார்கள் மாணவர்கள்..!

மாணவர்களை ஈர்க்கும்படியான முயற்சிகளோ, நடவடிக்கைகளோ இதுவரையில் செயல்படுத்தபடாத நிலை கவலையளிக்கும் விஷயமாகவே உள்ளது!

மயிலாடுதுறை பெரிய கோவில்

என்னதான் வேலையாயிருந்தாலும் சரி, வெள்ளிகிழமையாச்சுன்னா சாயங்காலம் 7.00 மணிக்கப்புறம் பெரியகோவில்தான்! இரவு அர்த்த சாமம் முடியறப்பத்தான் முன்னாடிதான் வீட்டுக்கு ரிடர்ன் ஆகறதே!

ஊரைச்சுற்றி பல கோவில்கள் உண்டு என்றாலும்,எனக்கு பிடித்த கோவில் எங்க ஊரு பெரிய கோவில்தான்!

மனசுக்கு சங்கடமா எதாவது நடந்துடுச்சா, நேரா கிளம்பி போய் சிவன் சன்னதியில் உட்கார்ந்தா உலகமே மறந்து உள்ளம் மகிழும்!

மத்த ஊர்கள்ல, சுவாமி பேரோட கோவில சொல்லி கூப்பிடுவாங்க! ஆனா எங்க ஊருல சாமிபேர சொல்லி கூப்பிட்டா பலருக்கு தெரியாது! பெரிய கோவில்ன்னு சொன்னிங்க, சன்னதி முன்னாடி கொண்டு போய் விடுவாங்க!

இரண்டு பெரிய திருக்குளங்கள் கோவில் உள்ள இருக்கற குளத்துக்கு பிரம்ம தீர்த்தம்ன்னு பேரு!

படிக்கற காலத்துல கொஞ்சம் டல்லாயிடுச்சின்னா தம்பி! போய் குளிச்சிட்டு வந்து படின்னு சில இடங்கள்ள சொல்லுவாங்க அப்பத்தான் கொஞ்சம் ஃபிரஷ் ஆகும்னு அதுபோலத்தான் பிரம்மா ரொம்ப டயர்டாகி இருக்கறப்ப்ப, பார்முலா மாற ஆரம்பிச்சதும் எல்லாரும் உஷாரகி, யப்பா பிரம்மா போயி, மாயவரத்துல, டேக் பாத்! தென் யூ வில் கம் டூ ஸ்டார்ட்ன்னு சொல்ல அப்புறம்தான் எல்லாம் ஒ.கேயாச்சாம்!

கோவில் உள்ள நுழைஞ்சு இடதுப்புறத்தில் பிரும்மாண்டபமான வினாயகர் பேரு முக்குறுணி வினாயகர்! சங்கடஹர சதுர்த்தி அன்னைக்குத்தான் இவருக்கு ரொம்ப ஸ்பெஷலா இருக்கும்! மத்த நேரத்தில நாமதான் போய் நலம் விசாரிச்சிக்கிட்டு நல்லபடியா வையுப்பான்னு கோரிக்கை விட்டுட்டு வரணும்!

அப்படியே இடதுபக்கம் மதில் சுவர பார்த்தீங்கன்னா பெரிய எழுத்துக்கள்ல பெரிய கோவில பத்தி வரலாறு இருக்கும்! அதுக்கு பக்கத்துலதான் மடப்பள்ளி! (என்னது எழுத்து சரியா தெரியலையா???? சரி சரி வாங்க நானே சொல்றேன்.!)

சுவாமி பேரு மயூரநாதர்;
அம்பாள் பேரு அபயாம்பிகை தேவாரப்பாடல் பெற்ற ஸ்தலம் அது மட்டுமல்லாமல், அபயாம்பிகை சதகம் என்னும் 100
பாடல்கள் அம்பாளை துதித்து பாடப்பட்ட ஸ்தலம்!

மயூரநாதஸ்வாமி கோவில் சன்னதிக்கு உள்ள நுழைஞ்சதும் நம்மை வரவேற்கும் அந்த பெரிய உண்டியல்! அதுக்கும் நேர் மேல உச்சியில பார்த்தீங்கன்னா வட்டமாக அனைத்து ராசிகளின் உருவம் செதுக்கி அமைந்திருப்பார்கள்! எந்த ராசிக்கு நேர் கீழ நின்னு சுவாமியை பார்த்தால் விசேஷம்ங்கறது பெருசுங்க சொல்ற மேட்டர் அதனால அதையும் ஃபாலோ பண்ணிப்போம்!

அப்படியே இடதுபுறமா நேர பார்த்தீங்கன்னா மயில் உருவம் ஒரு சின்ன அறையில இருக்கும் அதுதான் மயிலம்மன் இப்ப நடந்துக்கிட்டிருக்கற ஐப்பசி உற்சவத்தில ஒரு நாள் மயிலம்மனுக்குன்னு ஸ்பெஷல் பூஜை உண்டு! அன்னைக்கு மயிலம்மன் தூக்கிட்டு எங்க இளவட்டங்கள் ஆடுற ஆட்டத்த போய் பார்த்தீங்கன்னா சூப்பரா இருக்கும்! மயிலம்மன் ஆட்டம்ன்னு இடமும் வலமும் முன்னும் பின்னுமாக பல்லாக்கில் வைத்து ஆடி வருவார்கள்!

தொடரும்....!

அவ்ளோ சீக்கிரத்தில சுவாமி தரிசனம் முடிஞ்சுடுமா? கடைமுகம் வரைக்கும் கொண்டுப்போய்த்தான் முடிக்கணும்னு!

ஆண்டவன் சொல்றான் இந்த ஆயில்யன் முடிப்பான்!?

(பார்ட்டு பார்டா போடறதுக்கு என்னவெல்லாம் செய்யவேண்டியிருக்கு!?!)

மயிலாடுதுறை பதிவர்கள் - என் மனதில்....! (பாகம் - 3 )

கொள்ளிடம் வாசன் எங்க ஊரு ஆளுதான் இவரும்னு சொல்லிக்கொள்வதில் எனக்கு பெருமைதான்! 2003ல் வலைபதிவை துவங்கியவர்! உண்மையில் நான் கடந்த ஜுலை மாதத்தில்தான், தெரிந்துகொண்டேன்!அதுவும் அடிக்கடி தமிழ்மண உதவிக்கு சென்று வரும்போது கண்ணில் பட்ட இவரது பக்கத்துல, போய் பார்க்கும்போதுதான் தெரியும் சீனியர் பார்ட்டின்னு! (வலையுலகத்துக்குதாங்க!)

இதுவரைக்கும் நான் சொன்ன எங்க ஊருக்காரங்க திரும்பவும் தங்களோட பதிவுகளை துவக்கி கன் டினியூ பண்ணணும்ன்னு ரொம்ப ஆசையா கேட்டுக்குறேன்!
படிக்க ஆர்வமாகவும் இருக்கிறேன்!

அடுத்து அடிக்கடி வந்து அசத்திகொண்டிருக்கும் பதிவர்கள்

அபி அப்பா இவரைப்பத்தி நான் சொல்றதுக்கு என்னயிருக்கு! அதான் உலகமே சொல்லுதே! ஒவ்வொரு பதிவுக்கும் கலக்கல் காமெடி கன்பார்ம்ன்னு! மனுசன் பாருங்க பாரின்ல இருக்கோமென்னு கொஞ்சம் கூட கவலையே இல்லாதவரு மாதிரி ரகளை கட்டி அடிக்கிறாரு! (இந்த மாதிரி இருக்கறதுக்கும் சூழ்நிலை அமையணும்ங்க!)எப்படா இவரு போஸ்ட் வரும்னு நான் காத்திருக்க ஆரம்பிச்சது, இங்க நான் நெட் கனெக்ஷன் எடுத்த மே மாசத்திலேர்ந்து!படிக்கற வயசுல, நான் பரீட்சைக்கு படிக்கும்போதுதான் புல் நைட் ஸ்டடி பண்ணுவோம்! முதன் முதலா இருக்கற எல்லா பதிவுகளையும் படிக்கணும்னு பிலாக் ஸ்டடி பண்ணது இவர் பிலாக்தான்! குரங்கு ராதா மேட்டரும் சரி! (ஹைய்யா! எனக்கு தெரியுமே அந்த ராதாவ.!) இப்ப வந்த நீயெல்லாம் பொம்பளையாவும் சரி சூப்பரப்பு..!

உஷா ராமச்சந்திரன் அட இவங்க எங்க ஊரு மருமகப்பொண்ணுன்னு! இவங்க பதிவையும் + கமெண்ட்ஸ் வைச்சுத்தான் கண்டுபுடிச்சேன்ங்க! ரொம்ப காலமா, தமிழ் மணத்திலேயும், திண்ணையிலயும் எழுதிக்கிட்டு வர்றாங்க! அப்பப்ப நாட்ல நடக்கற விஷயங்கள பத்தி கொஞ்சம் நகைச்சுவை பூ தூவி பரிமாறிக்கிட்டிருந்தவங்க! இப்ப வர்ற பதிவெல்லாம் கிண்டல், நகைச்சுவைன்னு தூள் கிளப்ப ஆரம்பிச்சிருச்சி! அதுவும் இப்ப சமீபத்திய ஹிட் நட்சத்திரம் ஆனேனே! அப்புறம் பிலாக்கோபோபியா...! (ரொம்ப யோசிச்சிருப்பபங்க்ளோ!)
ஒரு தடவை எலுமிச்ச சாதம் பத்தி போட்ட பதிவ பார்த்து, நானும் செய்யலாம்ன்னு டிரைப்பண்ணி, புலியை பார்த்து பூனை சூடுப்போட்டுக்கிட்ட கதையாகிபோனேன்!

இவரின் கிழவி கதை படித்து நான் என் பாட்டியை நினைத்து அழுத நாட்கள்! இன்றும் அடிக்கடி என்னை அந்த கதை உள்ள பகுதிக்கு சென்றுகொண்டுதான் அழுதுகொண்டுதான் இருக்கிறேன்!

முத்துலெட்சுமி- எங்க ஊரு கவிதாயினி அக்கா முதல்ல பிடிச்சது அட்டகாசமான வரிகளில், தப்பு கணக்கிட்டு நாம் ஒன்று எதிர்பார்த்தால் ஒப்புமோ இயற்கை விதி? ஒழுங்கு அமைப்புக்கேற்றப்படி அப்போதைக்கு அப்போதே அளிக்கும் விளைவு! இதை உணராதவர்கள்தான் கன்னத்தில் கை வச்சுக்கிட்ட குந்தியிருப்பாங்கன்னு! கொடுக்கற மெசேஜ் சூப்பர்! கவிதைகளும் அதற்கேற்றார்போல படங்களும் நல்ல ரசனை அசத்துங்க அக்கா! அசத்துங்க ஊருக்கும் பெருமை சேருதுல..!!

இவர்களை தவிர்த்து இன்னும் சிலரில், ஆன்மீக உலகின் S.K , மற்றும் நடுவில லீவு விட்டு ரிடர்ன் ஆகியிருக்கும் சதுக்கபூதம் (இதுவரைக்கு பேர் காரணம் சொல்ல்வில்லைன்னு நினைக்கிறேன்!)

மயிலாடுதுறை மண்ணிலிருந்து ஒரு PUSH கொடுத்து வெளிநாடுகளுக்கு பறந்து, அங்கிருந்துகொண்டே மண்ணின் மணம் முகர்ந்துகொண்டிருக்கின்றனர்! அவர்களில் சிலரது பதிவுகளுக்கு சென்றதுண்டு, சில இப்பத்தான் தெரியுது! நான் ஜுனியர்தானே அதனால் சீனியர்கள தேடி தேடி கண்டுபிடிச்சு, வணக்கும் சொல்லிக்கிட்டிருக்கேன்! என் நல்ல நேரம் என்னைய யாரும் இதுவரைக்கு கூப்பிட்டு வச்சு ராக்கிங் பண்ணலைப்பா அதுவரைக்கும் எஸ்கேப்...!!!

குறிப்பு:-அமீரகத்து குசும்பனும் மயிலாடுதுறைன்னு சொன்னாலும், ஐ.டி புரூப் காமிச்சாத்தான், ஒத்துக்கொள்ளப்படும் என்ற என் பிலாக்விதிப்படி, அபி அப்பாவை தகுந்த ஆவணங்களை பர்சனலாக சமர்ப்பிக்குமாறு கேட்டுக்கொள்ளப்படுகிறது! (அப்புறம் இருக்குடி ராசா உனக்கு! – குசும்பன் வாரமே கொண்டாடி இன்டீரியர் & எக்ஸ்டீரியர் பண்ணிடுவோம்...! )

சத்துணவு ஆயா!

காலை உணவின்றி வந்து சேரும் ஆயாவுக்கு வேலை பள்ளியில் மதிய உணவு சமைத்தல்;

வீட்டைப்பற்றி எதுவும் கவலைப்படாமல், வருபவருக்கு வேலை பள்ளி முழுதும் கூட்டி சுத்தம் செய்தல்;

தன் பிள்ளைகளின் உணவு தயாரிப்பது கூட எல்லா பிள்ளைகளுக்கும் சமைத்து அவர்கள் சாப்பிட்டதும், தன் வேலையை முடித்தபின் தான் வீட்டுக்கு சென்று சமைத்தல்!

பகுத்துண்டு பல்லுயிர் ஒம்புதல் நூலோர் தொகுத்தவற்றுள் எல்லாம் தலை என்று முழங்கி, அவர்தந்த உணவை எத்தனை நாள் முழுங்கியிருக்கிறேன்!

சம்பளமோ சாதரண தினக்கூலிக்காரர் வாங்கும் அளவுக்கூட கிடையாது..!

ஆனாலும் இவர்கள் எந்த நோக்கத்துக்காக இதை சேவையாக செய்கின்றனர்!

யாராவது நினைத்துப்பார்ப்பார்கள் என்றா? இல்லை ஆத்ம திருப்திக்காகவா?

புரியவில்லை! ஆனாலும் நினைத்துப்பார்க்கிறேன், சத்துணவு ஆயா வடிவில் இன்னுமொரு அன்னையை,

ஆத்ம திருப்தியுடன்..!!!

பில்டர் காபி? - இது துருக்கிஷ்ம்மா..!

சாதரணமா ஆபிஸ்க்கு, எதோ வந்தோமா எப்பவாவது டீ குடிச்சோமா, போனோமான்னுதான் இருந்துக்கிட்டு இருந்தேன்! கொஞ்ச நாள் வரைக்கும்!

ரமலான முடிஞ்சதுக்கப்புறம்தான், இந்த மிசிரிக்காரங்க,லாஸ்ட் 30 நாள்ல குடிக்க மறந்த டீ இன்ன பிற சமாச்சரங்கள் கேட்டு, வாங்கி அடிச்சு, தள்ளிக்கிட்டிருந்தாங்க!

நான் மட்டும் பாத்துக்கிட்டு சும்மா இருப்பேனா? நாமளும் ஸ்டார்ட் பண்ணுவோம்னு ஆரம்பிச்சதுதான்!

டீ பாய்க்கிட்ட மாமு..! எப்பவும் குடுக்கற டீ வேணாம் வேற எதாவது ரெடி பண்ணி எடுத்துட்டு வான்னு சொல்லி அடுத்த பத்தாவது நிமிசம் இந்த துர்க்கிஷ் காபி கொண்டு வந்தாப்ல.., வந்த வாசமோ காபிடா காபிடான்னுன் மனசு அடிச்சிக்குது!


அய்யோ காபியேதாங்க! வாசனை வைச்சே ஆஹா நாம தேடி அலுத்து போன ஐட்டம்டான்னு உள்ளுக்குள்ள ஒரு சந்தோஷம்! டக்குன்னு எடுத்து வாயில் வைக்கப்போன என்ன டீ பாய் தடுத்து கொஞ்சம் பொறுங்க அஞ்சு நிமிஷம் கழிச்சு குடிங்கன்னு சொல்ல, மோப்பம் புடிச்சிக்கிட்டே இருந்தேன்!
ஆரம்பிச்சிட்டேன்...!

காப்பி தூளை போட்டு நல்லா கொதிக்கவைச்சு அப்படியே கருப்பு கலருக்கு வந்தப்புறம், அப்படியே எடுத்து ஒரு ச்சின்ன கப்ல ஊத்தி,டேபிள கொண்டாந்து வைக்கும்போது, கிளம்புற காபி வாசனை என்னைய மயூரா ஹோட்டல் டபுள் ஸ்ட்ராங் காபிய ஞாபக்ப்படுத்திக்கிட்டே இருக்கும்! என்ன ஒண்ணு பால் மட்டும் மிஸ்ஸிங்!!

நான் நினைச்சத விட பல மடங்கு ஸ்ட்ராங்காவே, எனக்கு கிடைச்சிடுச்சிங்கோஓஓஒ.....!

(எங்க ஊர்க்காரங்களுக்கு ஒரு வேண்டுகோள் இந்த விஷயத்தை எங்க வீட்ல சொல்லிப்புடாதீங்க! தலை வெள்ளையா போயிடும்டா வேணாம்டா ராசான்னு அட்வைஸ் பண்ண ஆரம்பிச்சுடுவாங்க....!!!! )

பயணிகள் கவனத்திற்கு...!

நடிகர்களுக்கு ரசிகர் மன்றங்கள் அமைத்த காலம், மாறி அனைத்து நடிகர்களும், இணையங்களில் வந்துவிட்ட காலமிது.!?அதிலும் நடிகைகளுக்குத்தான் அதிகம் என்பது கூடுதல் தகவல்!

ஆனால் ரயிலின் மீது இத்தனை ஆர்வம் கொண்ட ரசிகர்கள் தங்களுக்காகவே தொடங்கப்பட்ட இணையத்தளத்தில் இந்தளவுக்கு ஆர்வம் காட்டுவார்களா? என்று ஆச்சர்யத்தோடேதான் காண நேர்ந்தது இந்த தளத்தை..!

காலரி பார்த்ததும்.முதலில் நினைப்பு வந்ததே ஊர் பற்றி ஏதாவது செய்திகள் இருக்கிறதா? என்றுதான் - இருந்தது..! நான் கடந்த, இழந்த அந்த வாழ்க்கையை திரும்பவும் மனத்தடத்தில் ஒடச்செய்தன அந்த புகைப்படங்கள்!
காணக்கிடைக்காதது மட்டுமல்ல, நாம் நேரில் சென்று இது போன்ற புகைப்படங்களை எடுக்க முடியுமா? என்று கேள்வியை எழுப்பும் படங்கள்..!

அதுவும் அருமையான தலைப்புக்களில், நினைவுகளில் அசைபோடவைக்கும் போட்டோக்கள், வீடியோக்கள் மற்றும் ஆடியோக்கள் கூட இதில் உண்டு!

ரயில் பற்றிய அனைத்து விபரங்களும் இதில் அடங்கியுள்ளன் மொத்ததில் பயணிகள், ரயில் பயணம் மீது ஆர்வம் கொண்ட ரசிகர்கள், இவர்களோடு இந்திய ரயில்வேயும் இணைந்து இந்த அருமையான இணையதளத்தை ரயிலோடு சேர்த்து இயக்கிக்கொண்டிருக்கின்றன!

எங்க ஊருக்கு வந்து போன ரயில்களில் ரொம்ப ஸ்பீடான வண்டி திருப்பதி எக்ஸ்பிரஸ். அதுல போறது ரொம்ப பெருமையான விஷயமா சொல்வாங்க, குறுக்கே தலை வைச்சு,படுத்தா அது நம்ம மேல போறதுக்குத்தான்...! (இதுல அடிபட்டா ரொம்ப பெருமையாம்...!) டேய்..! ரொம்ப ஆடாத அப்புறம் திருப்பதியில அடிப்பட்டுத்தான் சாகப்போறன்னு ஒரு பேச்சு வழக்கே உண்டு எங்க ஊரு ஜங்ஷன் பக்கம்!

திருப்பதி கொள்ளிடம் பாலத்த கிராஸ் பண்ற சவுண்ட பாருங்க சாரி கேளுங்க! சும்மா அதிருதுல்ல..! (கொள்ளிடம் பிளாட்பார்ம்ல நின்னா உடம்பு அப்படியே குலுங்கும்!)

ஒரு வருடத்திற்கு முன்பு அகல ரயில் பாதைக்காக மூடப்பட்ட மயிலாடுதுறை – விழுப்புரம் எப்போது முடியும் நாம் திரும்பவும் எப்போது அதில் பயணம் செய்யலாம்! என்ற மகிழ்ச்சி ஆர்வத்தை என்னுள் விதைத்துவிட்டது இந்த இணையத்தளம்!

குறிப்பு:
நான் படிச்சு வந்த கட்டிடவியல் ரயில்வே சப்ஜெக்ட்படி பார்த்தா நான் உபயோகித்த இந்த ரயில் வார்த்தை தண்டவாளாத்தை மட்டுமே குறிப்பிடும் சொல்! ஆனா பாருங்க எல்லாரும் ரயில்ன்னு சொல்லித்தான் பழகியிருக்கோம்! அப்படி சொன்னாத்தான் அதுல ஒரு தனி இன்பமே இருக்கு...!

கடவுளின் தேசத்தில் - கடற்கரை கோட்டையில்..!

முழு பாடலையும் அர்விந்த சாமி உருகி,ஹரிஹரன் பாடிய அந்த பாடல் எடுக்கப்பட்ட இடம்!

பம்பாய் படத்தில் ஒரு பாடலில் இந்த கோட்டை வந்த பிறகே சுற்றுலாதளமாக பிரபலாமாக தொடங்கியது!

அது ஒரு மழைக்கால நேரமாக இருக்கக்கூடும்! எங்கும் பார்த்தீர்களென்றால் ஒரே பச்சைப்பசேல்தான்! நாங்கள் சென்றிருந்த நேரம் பச்சை புல்வெளிகளை காண் இயலாமல் ஏமாந்தாலும்,அவ்ளோ பெரிய கோட்டை மற்றும் கோட்டை சுவர்கள்,சுரங்கபாதை என கண்டு மனம் மகிழ்ந்தோம்..!

பாட்டுக்கேற்ற லொக்கேஷந்தான் நீங்கள் கூட வாய்ப்பு கிடைத்து போனீங்கன்னா உங்களுக்கும் கூட வரலாம் ஸேம் ஃபீலிங்க்ஸ்!

அந்த கோட்டையை சுற்றி எடுத்திருப்பார்கள் அந்த பாடலில், சுரங்கத்தில் நுழைந்து, நீண்ட தூரம் ஒடி வந்து சிறு மதில் துவாரம் வழியே கீழே நிற்கும், அர்விந்த் சாமியை விழுங்கும் கேமிரா!

இருவரும் கடைசியாக சந்திக்கும் இடம் தான் ஸ்பெஷல் லெக்கோஷன்! கடல் அலைகள் நம்மை உரசிச்செல்லும் அந்த சிறிய அழகிய கோட்டை மதில்கள்!

மதில் சுவர்களை ஆவேசமாக வந்து முத்தமிட்டு செல்லும் அலைகளின் பின்ணணியில், யாராவது ஜோடி கண்டிப்பாக போட்டோ எடுத்துக்கொண்டிருப்பார்கள்! – டிஸ்டர்ப் பண்ணாதீங்க என்ன?!

டைரக்டர் மணிரத்னமும் சரி, கேமராமேன் ராஜீவ்மேனனும் சரி, ரொம்ப ஃபீல் பண்ணி எடுத்த இடம்தான் அது இப்பவும் நீங்க அங்க போனீங்கன்னா கண்டிப்பா உங்களுக்கு பீலிங்ஸாத்தான் இருக்கும்!

வரலாற்று சுவடுகளின் படி விஜயநகர அரசால் அமைக்கப்ப்ட்ட சந்திரகிரி,பெக்கல் கோட்டைகள் எதிரிகளிடமிருந்து மலபாரினை காக்கும் பொருட்டு, செயல்பட்டு வந்துள்ளது! கடைசியாக திப்புசுல்தானின் ஆளுகையில் இருந்துள்ளது!

பவுர்ணமி நாட்களில், நிலா வெளிச்சத்தில் அலையை ரசிக்க, அழகை ரசிக்க கூட்டம் கூடிக்கொண்டுதான் இருக்கிறது! கடவுளின் தேசத்தில்! (கடவுளே என்னையும் அழைத்துக்கொள்ளேன் உன் தேசத்திற்கு...!!!)

பெக்கல் போர்ட்க்கு நீ சொன்ன மாதிரியே நான் போனேன்! ஆனா எனக்கு ஒண்ணும் அந்தளவுக்கு ஃபீலிங்ஸ் தெரியலையேன்னு சொல்ற ஆளா நீங்க?

அப்ப உங்களுக்கு தேவாரத்திருத்தலங்கள் பத்தி பதிவு போடப்போறேன் அதை வந்து படிங்க ஒ.கேவா!

கடலோர கவிதைகள்..!

படித்த பெண், படிக்காத ஆண், இருவருக்குள்ளும் எழும் காதல் க(வி)தை!

பாரதிராஜா உருவாக்கிய புதுக்கவிதை!

காலை முதல் மாலை வரை எந்த நேரத்திலும், படத்தின் ஏதேனும் ஒரு பாடலை கேட்டாலே, மனம் குதூகலிக்க வைத்தது இளையராஜவின் இசைக்கு வைரமுத்துவின் கவிதைகள்!

படத்தில் ரேகாவிற்கு டீச்சராக உத்யோகம் - டீச்சர்களை பார்த்து குடை புடிச்சாங்களா? இல்லை இந்த படம் பார்த்ததுக்கப்புறம் டீச்சர்ஸெல்லாம் குடை புடிக்க ஆரம்பிச்சாங்களான்னு கொஞ்சம் குழப்பம்தான்!

டிபன் பாக்ஸ் எடுத்துப்போக மறந்தாலும் குடை எடுத்துபோக மறக்காத டீச்சர்களை நான் கண்டதுண்டு! அதை போன்ற கதாபத்திரத்திலும் ரேகா ரொம்ப அழகா நடிச்சுருப்பாங்க!

லொகேஷனும் பார்த்தீங்கன்னா..!? குளச்சல் முட்டம் ஏரியா டீச்சர் நெனைச்சா, உடனே கடற்கரைக்கு வந்து காத்து வாங்குவாங்கல்ல!

எல்லா படத்தில வர மாதிரியும் கெஸ்ட் ரோல்ல ராஜா (இப்ப எங்கப்பா ஆளையே காணும்?)

மற்ற விஷயங்களையெல்லாம் ரொம்ப டீடெயில போய் பார்க்கணும்னு தேவையே இல்லை! படத்தின் பாடல்களே உங்களுக்கு தெளிவாக்கிவிடும் படம் பற்றி...!


கொடியி்லே மல்லியபூ, மனக்குதே மானே, ஜெயச்சந்திரனின் குரலில் ஆரம்பிக்கும் பாடலுக்கு, ஜானகி குரல் இணையும் போது என்ன ஒரு ஆனந்தம்!

அருமையான கதை!

அதற்கேற்றார் போலவே தேர்ந்தெடுக்கப்பட்ட கதாபாத்திரங்கள் !

இவையனைத்தும் அழகாக அரங்கேற்றப்பட்ட முட்டம் கடற்கரை!

மனதை உருக்கும் இசையில் என

அனைத்து அம்சங்கள் சேர்ந்து ஒரு படம் வந்தால் என்னவாகும்?

மனசு சிறகடிக்கும்..!

மகிழ்ச்சி பொங்கும்..!

லுக் தி புக் – இந்தியா டுடே (பாகம் 2)

இந்தியா டுடேயில் சிறுகதை பகுதிகளும் உண்டு (அத்தனை நெருக்கமான வரிகளில் சிறுகதை படிக்க வராமல் பயந்து ஒடியவன் நான்..!)

கடைசி பக்கத்துக்கு முன்பக்கத்துல நாலு காலம் விட்டு சினிமா,டிவி,மற்றும் மிஸ்லேனியஸ் மேட்டரகள போட்டு நிரப்பி,கடைசி பக்கத்துலதான் கமர்சியல் விஷயங்களான (புக் முழுசும் படிச்சி வெளிய வர்றவன் கொஞ்ச நாள்ல அரசியல் பித்தோ அல்லது விமர்சன் குளறுபடிகளோ அல்லது வித்தியாசமான தமிழை பழக ஆரம்பிக்காமலோ இருக்க..) கொஞ்சூண்டு பாலிவுட் ஃபிகர்களின் படங்களுடன் மங்களம்!

பெரும்பாலும் புலனாய்வு ரீதியிலான அரசியல் கட்டுரைகளும்,ஹாட் டாபிக்கின் அஸ்திவாரம் வரை சென்று,செய்தி சேகரிக்கும் விதமும் மிகப்பிரபலமானது.

வித்தியாசமான கோணங்களில் செய்தி சேகரித்தலும் அவ்வப்போது உண்டு!

எனக்கு நன்றாக ஞாபகத்தில் உள்ள விஷயம் உலககோப்பை போட்டியில் இந்தியாவும் பாகிஸ்தானும் பெங்களூரில் மோதிக்கொண்ட நாளில் இந்தியா டுடே பத்திரிக்கையாளர் பாகிஸ்தானில், ஒரு ஊரில் அனைவரும் டிவியில் அந்த போட்டியினை கண்டு ரசித்துக்கொண்டிருந்ததை பற்றி எழுதியிருந்தார் ஒரு கட்டத்தில் அமீர் சோகைல் பிரசாத்தை பார்த்து எதோ சொல்ல, அடுத்த பந்தில் அவர் அவுட்டாகி வெளியேறுவார்! இந்தியாவில் பிரசாத்தின் சாதனையாக மகிழ்ந்த, அந்த நேரத்தில் பாகிஸ்தானில் அமீர் சோகைல் பணம் வாங்கிக்கொண்டு அவுட்டாகி செல்வதாக் கூறியதாக, அந்த நிருபர் எழுதியிருந்தார்!

அதுபோலவே ஊருக்கு போன போது “நல்ல மரியாதை” கிடைத்தது அமீர் சோகைலுக்கு!

அமைதிப்படை வெளியேறியது சம்பந்தமான கட்டுரைகள் இலங்கை அகதிகள், ராஜீவ் காந்தி படுகொலை சம்பந்தமான புலனாய்வு கட்டுரைகள் அது பிளான் பண்ணியதற்கான காரணங்கள் சம்பவங்கள், திமுக லிங்க் செய்யும் விஷயங்கள் மற்றும் தற்கொலை செய்துகொண்ட சிவராசன் டைரி மேட்டர்கள் பெரிய பரபரப்பை உண்டாக்கின!

பாகிஸ்தானில் இப்ப வந்திறங்கிய பெனசிரின் அப்போதைய அராஜக ஆட்சி பற்றியவை, அவ்வப்போது வெளிவரும் பாகிஸ்தான் இந்தியா பற்றிய ஆய்வுக்கட்டுரைகள்! உலக நாடுகளில் நடைபெறும் வரலாற்று சம்பவங்கள் மண்டல் கமிஷன் பற்றிய ஆய்வுக்கட்ரைகள் (அந்த தீ பற்றி எரியும் மனிதன், புகைப்படம்!மறக்க முடியுமா?)

ஒரு நேரத்தில் செக்ஸ் சம்பந்தமான கட்டுரைகள்,
ஒரு நேரத்தில் விடுதலைப்புலிகள் இந்தியா குறிப்பாக தமிழகம்
ஒரு நேரத்தில் ஜெயின் கமிஷன்
ஒரு நேரத்தில், சந்திராசுவாமி
என. இன்னும் காரம் சுவை குறையாமல் போய்க்கிட்டே இருப்பது இந்தியா டுடேவின் சாதனையா அல்லது இந்தியாவின் சாதனையா..?!

அரசியல் இட ஒதுக்கீடு - பெண்களுக்கு சுத்த வேஸ்ட்டு!!??

33 சதவீகித இடஒதுக்கிட்டின் அடிப்படையில் கடந்த தேர்தலில் தேர்ந்தெடுக்கப்பட்ட பெண் தலைவர்கள்,மேயர் ஆரம்பித்து, ஊராட்சி மன்ற தலைவர்கள் வரை உள்ள பெண் உறுப்பினர்கள் தங்களது வழக்கமான பணிகளை வீட்டில் இருந்து கவனித்துக்கொள்ள, கணவன்மார்கள் தான் கவர்ன்மெண்ட்க்கு மக்களின் பிரதிநிதியாக பணி ஆற்றுகிறார் அரசு அலுவலங்களில், யாரும் கேள்வி கேட்பது கிடையாது! (எந்த லட்சணத்தில் அலுவலங்கள் இருக்குங்கறது நமக்கு தெரிஞ்ச விஷயம்தானே!)

மக்கள் பிரச்சனைகளில் பெண் தலைவர்கள் களம் இறங்கி பணியாற்ற வரும் தயக்கம் என்னதான் படித்திருந்தாலும் கணவர் பேச்சுக்கு கட்டுப்பட்ட வாழ்கை (சார் சொல்றபடி செஞ்சுடுங்க..!) குடும்பத்தை கவனிப்பதுதான் முக்கியம் மற்றவை பிறகுதான் – நல்லதுதான் போட்டியிடுவதற்கு முன்பே அல்லவா யோசித்திருக்கவேண்டும்

அலுவலகங்களில் யாரும் இதை பற்றி பெரிதாக கவலைப்படுவதில்லை!

உண்மையாத்தான் சொல்றேன் பெண்களுக்கு இட ஒதுக்கீடு கொடுத்து, பஞ்சாயத்துலேர்ந்து மேயர் வரைக்கும்,எம்.எல்.ஏவிலேருந்து மினிஸ்டர் வரைக்கும் பதவி கொடுக்கறது சுத்த வேஸ்ட்!

சும்மா..! ஒப்புக்கு சப்பாணி மாதிரியான கேரக்டர்ல நடிக்கறதுக்கு எதுக்குங்க இட ஒதுக்கீடு?

நீங்களே பாருங்க! மினிஸ்டரோட அவரு வீட்டுக்காரருக்குத்தான் எங்கயும் மரியாதை! அவர் சொல்றத கேட்டு தலைமை செய்லகத்திலேர்ந்து, கீழ் மட்டத்தில வரைக்கும் தலையாட்டுற அரசு அலுவலர்கள்! நீ யாருய்யான்னு? கேட்க ஒரு நாதி கிடையாது? ஐ.ஏ.எஸ்களும் அடங்கித்தான் கிடக்குறாங்க!

பொம்பளைய செலக்ட் பண்ணா கொஞ்சம் நல்லவிதமா ஊருக்கு நன்மைய செய்வாங்கன்னுத்தான் நினைக்கறாங்க மக்கள் ஆனா நடக்கறது – எல்லாத்தையும் நடத்திகாட்றது அந்தம்மாவேட வீட்டுக்காரங்கதான்! அந்தம்மா எப்போதும்போல வீட்டு வேலையில கவனமா இருப்பாங்க!

அப்புறம் எதுக்கு வேஸ்ட்டா பெண்களுக்குன்னு தனியா ஒரு இட ஒதுக்கீடு!

தருமை ஆதீனம்

சைவதமிழ் வளர்த்துக்கொண்டிருக்கும் பழமையான மடங்களில் தருமை ஆதீனம் முக்கியத்துவம் வாய்ந்தது!

17ம் நூற்றாண்டில் தொடங்கப்பட்ட குருஞான சம்பந்த குருமூர்த்தி சுவாமிகளால் ஆரம்பிக்கப்பட்ட இந்த சைவ மடம், தெய்வத்தமிழ் மன்றம் நிறுவி சைவதமிழ் வளர்த்து வருவதோடு, தமிழ் திருமுறைகளையும்,சைவ சமயம் தொடர்பான நூல்களையும் கடந்த 1941 முதல், மூலம் மற்றும் விளக்க உரையுடன் அச்சிட்டு வெளியிட்டு வருகிறது.

1985களில் சிறுவனாக இருந்தப்போது, ஞாயிற்று கிழமை மதியங்களில் இந்த மடம் அமைந்திருக்கும் தருமபுரத்தில்தான் பொழுது போகும்! நேர்த்தியாக திட்டமிடப்பட்ட நான்கு வீதிகளை மையமாக வைத்து அமைந்த, யாழ்முரிநாதர் திருக்கோயில், அருகிலேயே ஆதீன மடம் அதனுள் அமைந்த கோயில் சொக்கநாதர்.

மயிலாடுதுறை பேருந்து நிலையத்திலிருந்து தரங்கம்பாடி சாலையில் சென்றால் சரியாக மூணாவது கி.மீல் இடது பக்கம் அலங்கார வளைவுடன் ஆரம்பிக்கும் தருமபுரத்தின் எல்லை!

அலங்கார வளைவுக்கு நேர் எதிரே ஒரு தோட்டம் அதனுள் அமைந்திருக்கும் பிள்ளையார், பெரும்பாலானோர் இந்த கோவிலை அறிந்திருக்கமாட்டார்கள்! ஆனால் சாலை வழியே செல்பவர்களின் கண்களையும் மனதையும் கவரும் வகையிலான சின்ன கோவிலின் தோற்றம்! அதன் அருகிலே தற்போது ஆதீனத்தின கல்லூரி செய்ல்பட்டுக்கொண்டிருக்கிறது!

எதிரே குருஞானசம்பந்தர் மேல்நிலைப்பள்ளி,பள்ளி மைதானமென பெரிய பரப்பளவில் அமைந்திருந்தாலும், சில வகுப்புகள் இன்னும் மரத்தடியில்தான்!

ஆதீன பங்களாவிலிருந்து தொடங்கும் மேலவீதி நேரே சென்றால் இடது புறத்தில் முன்பு ஆதீனங்களாக இருந்தவர்களின் நினைவிடங்கள் பெரிய தோட்டங்களாக பராமரிக்கப்பட்டு வருகிறது!

மேலவீதியின் முடிவில் துவங்கும் வனதுர்க்கை கோயிலுக்கு செல்லும் பாதை, உள்ளே சென்றால் பார்க்கும் தூரம் வரையில், விளை நிலங்களில் காவிரியின் கொடையில் பச்சை பசேலாக இருந்த்து இப்போது பம்பு செட் உதவியுடன்..! வடக்கு வீதியை மத்திய பகுதியில் ஒரு நுழைவாயில் இடதுபக்கம் 100 மீ தூரம் சென்றால் காவிரியை அடையலாம் வலதுபக்கமாக சென்றால் நாங்கள் எப்போதுமே சுத்தி திரிந்த யானை கொட்டகை அதை தாண்டி சென்றால், வெளியே காவல் காக்கும் விதமாக ஒரு புள்ளையார் கோவில்! அதுல, எப்பவும் யாராவது உட்கார்ந்து யாருக்காகவாவது காத்துக்கிட்டுருப்பாங்க!

ஆதீன கல்லூரி விரிவுப்படுத்தப்பட்டு செயல்பட துவங்கியபோது, கல்லூரி மாணவர்கள் அந்த பகுதிகளை ஆக்கிரமிக்க தொடங்கிவிட்டனர்!

வினாயகரை வணங்கி உள்ளே சென்றால் யாழ்முறிநாதர் கோவில் கொஞ்சம் இருட்டாகத்தான் இருக்கும் பார்த்துதான் போகணும்! அவரை தரிசித்து பிரகாரம் சுற்றி வந்தால் துர்க்கையம்மன் சன்னதி கருவறையின் முன்னால் சிறிய ஃபவுண்டைன் ஆனால் இது நாள் வரையில் அதில் தண்ணீர் இருந்து நான் பார்த்ததில்லை!

அதையொட்டி துர்க்கையம்மன் சந்நிதி,வெள்ளிகிழமைகளிலும் ஞாயிற்றுகிழமைகளிலும் மட்டும் நல்ல கூட்டம் கூடும்! மற்றைய தினங்களில் நிசப்தமான இனிய சூழலை நான் மிகவும் ரசித்ததுண்டு!

வருடந்தோறும் வெகுவிமரிசையாக நடைபெறும் குருபூசை விழாவில் மடத்தினுள் அமைந்திருக்கும் சொக்கநாதர் சன்னதியில் 108 சிவாச்சாரியார்கள் சிவபூஜை செய்து வழிபாடு செய்துவருகின்றனர்! மற்றுமொரு ஸ்பெஷல் கஜபூஜை என சொல்லப்படும் யானைகளுக்கான சிறப்பு பூஜை! (வருஷம் வருஷம் எதாவது ஒரு யானை ரகளை பண்ணிக்கிட்டுத்தான் இருக்குது! அதுவும் அந்த திருக்கடையூர் குட்டி யானை பண்ணும் விளையாட்டுகளுக்கு நிறைய பேர் ரசிகர்கள்!
தருமை ஆதீனத்தின் கட்டுப்பாடின் கீழ் 27 பெரிய கோவில்களும் மற்றும் சிறியகோவில்கள்,உள்ளன. ஆதீனத்தின் கீழ்வரும் கோவில்களுக்கு சொந்தமான விளைநிலங்கள் பலரால் கையகப்படுத்தப்பட்டு, உபயோகிக்கப்பட்டு வந்தாலும் இது நாள் வரையில் குத்தகை பணங்களாக பெறப்படுவது மிக சொற்ப தொகை! நீதிமன்றத்தில் பல வழக்குகளும் நிலுவையில் உள்ளன! வைத்தீஸ்வரன் கோவில் பிரகார பகுதிகளில் முன்பொரு காலத்தில் குத்தகை நெல்களை கொட்டி அளப்பார்களாம் அந்தளவுக்கு வருமானம் கடந்த 1998ல் நடந்த கும்பாபிஷேகத்தின் போது அப்பிரகாரம் அனைத்தையும் கூரை போட்டு மூட சொல்லி விட்டது தருமபுர ஆதீனம்!

மக்களிடமிருந்து வந்த குத்தகை நின்றுபோன நிலையில் அவ்ளோ பெரிய இடத்தை கோவிலுக்கு வரும் மக்கள் பயன்படுத்திகொள்ள வசதியாக...!

துக்கத்தில் பங்கேற்கிறேன்...!

காலையில் வந்தெழுப்பிய நண்பரின், தொலைப்பேசிக்குரலில் இருந்த துக்கத்தை என்னால் உணர முடிந்தது!

அரசியல் துறைக்கென தனியாக,

உலக அரசியலை கூர்ந்து கவனித்து,

உலக நாடுகளின் கவனம் தம் பக்கத்திற்கு திருப்ப,

ஆண்டன் பாலசிங்கத்தின் பாலபாடத்தில் பயிற்சி பெற்ற,

அனைவராலும், உலக அரசியலை கவனித்துக்கொள்வார் என்று அதிகம் எதிர்பார்த்து நம்பிக்கை வைத்திருந்த,

சுப.தமிழ்செல்வன் மறைவில்,

மனம் துயர் அடையும் ஈழத்து சகோதரர்களே..!

உம் துக்கத்தில் நாங்களும் பங்கேற்கிறோம்..!

பிரசன்ன மாரியம்மன் @ மயிலாடுதுறை

அதிகாலையில் எங்கோ வேலைக்கு செல்லும் அந்த வெள்ளைச்சட்டை வெள்ளை பேண்ட்க்காரர்...!

அவசரரவசரமாக ஆட்டோவை நிறுத்தி அமர்ந்த இடத்திலிருந்தே விழிபட்டு செல்லும் அந்த ஆட்டோக்காரன்..!

பக்திமணம் கமழ் நெற்றி நிறைய விபூதி பூசி வந்து மெதுவாக கும்பிட்டு செல்லும் அந்த கார் டிரைவர்..!

மிக்க பொறுமையாக ஒவ்வொரு இடத்திலும் விளக்கேற்றி வழிபாடு நடத்தி செல்லும் அந்த யூனியன் இன்ஜினியர்!

தினந்தோறும் காலை வந்து கோவிலை கழுவி விட்டுச்செல்லும்,அந்த வயதான அம்மா..!

கம்பீரமான குரலில் பாடியபடியே வரும் அந்த ஊனமுற்ற மனிதர்..!

கோவில் வாசலில் கடை போட்டாலும்,முதலில் வந்து ஒரு பந்து பூவை சாத்திச்செல்லும் அந்த பூக்காரம்மா!

என வந்துசெல்லும், ஒவ்வொருவருக்கும் ஏதோ ஒரு நம்பிக்கை இருக்கும்போது, ஒரு வேலையுமின்றி, ஊர் சுத்திவரும் நம்க்கும் எதாவது நல்லது நடக்கும் என்று ஆரம்பித்ததுதான் பிரசன்ன மாரியம்மன் தரிசனம் – தினந்தோறும்..! – நல்லாத்தான் போய்க்கிட்டிருக்கு...!

பவன்களால் வரும் பலன் – நல்லா சாப்பிடலாம் வாங்க...!

சில மாதங்களுக்கு முன்பு தான், முதன் முதலாக சைவத்திற்கென்று தனியாக ஹோட்டல் ஒன்று தொடங்கப்பட்டது இங்கு!

வசந்தபவனின் மேனேஜ்மெண்டில், பாரத் பவன் என்ற பெயரில்,துவங்கிய நாள் முதல் கத்தாரின் மூலை முடுக்கிலிருந்தெல்லாம், தமிழ்நாட்டு ஹோட்டல் என்று விரும்பி வர ஆரம்பித்தனர்!

அதைத்தொடர்ந்து, ஹோட்டல் ஆர்யாஸ் தன் கிளையினை தொடங்கி சில மாதங்களே ஆன நிலையில், வியாழன் அன்று மற்றுமொரு கிளை தொடங்குகிறது!

இதிலிருந்து உங்களுக்கு தெரிந்திருக்கும், ஹோட்டல்களின் வரவில் உள்ள வரவேற்புக்கு!

பெரும்பாலும் தமிழ்நாட்டினர், ஈழத்தமிழர்கள், & வட இந்திய தமிழர்களின் வருகையில்,ஹோட்டல் நிர்வாகத்தினர் வரவேற்று மகிழ்கின்றனர்! அது மட்டுமல்லாமல், அலுவலகங்களில், நடைபெறும் விருந்துகளிலும் சைவ உணவு வகைகள் – தமிழ்நாட்டிலிருந்து – தூள் கிளப்புகின்றன!

வசந்தபவன், ஆர்யாஸினை தொடர்ந்து, மூன்றாவதாக உலக அளவில் புகழ்பெற்ற சரவணபவனும் தம் கிளையினை இன்னும் சில மாதங்களில் திறக்கக்ப்போவதாக அறிவித்துள்ளது!

தமிழ் சங்கமிக்க, புதிதாக இடங்கள் வரத்தொடங்கிவிட்டன!

இனி இங்கும் சுவைப்போம் தமிழை –

உணவுகளோடும்...!

நட்பின் உறவுகளோடும்...!

ரஜினி பஞ்ச்'கள் - ஒரு மேனேஜ்மெண்ட் லுக்

கண்ணா..! நான் யோசிக்காம, சொல்றதில்ல சொல்லிட்டு யோசிக்கறதில்ல!

திட்டமிடுதல் என்பது ஒவ்வொரு செயல் அல்லது நிகழ்வுக்கும் முக்கியமான ஒன்று,ஒரு முறை சரியாக திட்டமிட்டுவிட்டால் பின்பு அதை பற்றி மறு முறை சிந்திக்க தேவையின்றி, இலக்கை அடைவதில் திட்டமிட்டபடி கவனத்தை செலுத்தவேண்டும்!

இது எப்படி இருக்கு?

ஒரு செயலை செய்ய, அதற்கு முன்பு அதை சக அலுவலக நண்பர்களிடம், பணியாளார்களிடம், கூறி அதைப்பற்றி கருத்து கேட்பதன் மூலம் அதை சரியாக, செய்யமுடியும்!

நான் தட்டி கேட்பேன் ஆனா கொட்டி கொடுப்பேன்!

தலைமையிடத்திலிருந்து எவ்வளவோ கடுமையாக நடந்துக்கொண்டாலும்,இரு செயலை சிறப்பாக செய்து முடித்தால் கண்டிப்பாக அதற்கான பலனை நீங்கள் பெறுவீர்கள்!

சொல்றேன்..! செய்யிறேன்...!!

நிர்வாகத்தில் இந்த சொற்கள் மிகுந்த பலம் வாய்ந்தவை!
ஒரு செயலை சொல்வதிலும் அதை செயற்படுத்துவதிலும் நாம் செலுத்தும் அக்கறை நம்மை மேன்மையாக்கும்!

ஒரு தடவை சொன்னா நூறு தடவை சொன்ன மாதிரி!

ஒரு கருத்தினை உள்வாங்கிக்கொள்ளும் திறன் மற்றும் செயல்படுத்தும் திறனை நாம் மேம்படுத்திக்கொள்வதன் மூலம் தேவையற்ற கால விரயத்தை தவிர்க்கமுடியும், ஒரு முறை சொல்லும் வார்த்தை எந்த அர்த்ததில் சொல்லப்படுகிறதோ, அதற்கான புரிந்துகொள்ளும் திறனை பெறுவது நம்மை முதலிடத்திற்கு கொண்டு செல்லும்!

நான் லேட்டா வந்தாலும் லேட்டஸ்ட்டா வருவேன்!

ஒரு த்யாரிப்பு அல்லது செயல் குறிப்பிட்ட காலத்தில் செயல்படுத்தபட முடியாமல் போனாலும் பரவாயில்லை ஆனால் செயலாக்கப்படும் காலத்தில் அந்த காலக்கட்டதிற்கேற்ப மாற்றங்களுடன் இருத்தல் அவசியம்

என் வழி தனி வழி!

ஒவ்வொரு பணியிலும், அவரவர்கள் தங்களுக்கென்று ஒரு தனி பாணியில் சென்றால் வெற்றி + புகழ் அடையலாம்!

(ரஜினி ரசிகர்கள் இணையத்தில பார்த்தது, சரி நம்ம பீல்டு சம்பந்தமா, ஆங்கிலத்தில இருக்கே1 அப்படியே தமிழ்ப்படுத்தி நம்ம பிரெண்ட்ஸ்க்கு அனுப்பி கலக்குவோம்னு, பண்ணது! இவ்ளோ பிரெண்ட்ஸ்க்கும் மெயில்"ரதத்தில்"விடறதுக்கு இங்க போட்டா ஒ.கேதானே...!!!!)